«Qala turǵyndary kún saıyn jolda, jumysta, týystarymen jáne t.b. adamdarmen aralasady. Ókinishke qaraı, bári birdeı qaýipsizdik sharalaryn saqtaı bermeıdi. Sanıtarlyq normalardy jáne ózin-ózi qorǵaýdyń qarapaıym tásilderin saqtamaý qaterge bas tigýmen teń. Mundaı jaǵdaıda adam ómiri men densaýlyǵyna qaýip tónedi.
Bárińizdi shuǵyl túrde ekpe alýǵa shaqyramyn. Vaksınasıa ǵana sizdi jáne otbasyńyzdy reanımasıadan, aýrýdan keıingi ońaltý kýrsynan, antıbıotıkter men ózge de aýyr dári-dármekter qabyldaýdan saqtaıdy», - dep jazdy ákim jelidegi paraqshasynda.
Sonymen qatar vaksınasıanyń mańyzyn elordadaǵy qurylys kompanıalarynyń ókilderimen de talqylaǵanyn jetkizdi.
«Bıyl jumys kóp. Qoljetimdi turǵyn úı qurylysynyń kólemi, oqý oryndardyń, áleýmettik nysandardyń qurylysy jáne t.b. artpaq. Alaıda ujymdyq ımýnıtet qalyptaspasa, qurylys jumystary toqtatylady. Vaksınasıa arqyly ǵana ujymdyq ımýnıtetti damyta alamyz», - dep tolyqtyrdy A. Kólginov.
