Óz kezeginde Nur-Sultan qalasy ákiminiń orynbasary Baqtiiar Mákenniń qazirgi tańda qalanyń barlyq kommýnaldyq jáne áleýmettik nysandary qysqa daiyn ekenin jetkizdi.
– Qala turǵyndaryn qystyń qarsańynda joldardyń jaǵdaiy alańdatýda. Memleket basshysy Qasym-Jomart Toqaev qaýipsizdikti, onyń ishinde jol qaýipsizdigin kúsheitýdi tapsyrǵan bolatyn.
Búgingi bizdiń basty mindetimiz – azamattarymyzdyń qaýipsizdigin qamtamasyz etý. Kei jaǵdaida kópshiligimiz mán bere bermeitin máseleler azamattardyń ómiri men densaýlyǵyna áser etýi múmkin. Máselen, qar túsip, kóktaiǵaq kezinde qardy tazalap, joldardy ýaqytyly ashyp otyrý mańyzdy.
Qazir biz qysqa daiynbyz, barlyq aldyn-alý sharalary qabyldanǵan. Jaraqat qaýipi joǵary kezeńde qala turǵyndarynan ótinim kóp túsedi. Biz barlyq máseleni jedel sheshýge tyrysamyz, – dedi ákim orynbasary.
– Kún tártibinen kóshelerdi jaryqtandyrý máselesi túsken emes. Baǵdarshamnan bastap beinebaqylaý kameralaryna deiin talqylanýda. Jospar boiynsha kelesi jyly elordada beinebaqylaý kameralarynyń sany artady. Osy rette bizge qoǵamnyń pikiri mańyzdy, iaǵni tek syn-eskertpeler ǵana emes, naqty usynystar da qajet, – dep túiindedi sózin Baqtiiar Máken.
