ءوز كەزەگىندە نۇر-سۇلتان قالاسى اكىمىنىڭ ورىنباسارى باقتيار ماكەننىڭ قازىرگى تاڭدا قالانىڭ بارلىق كوممۋنالدىق جانە الەۋمەتتىك نىساندارى قىسقا دايىن ەكەنىن جەتكىزدى.
– قالا تۇرعىندارىن قىستىڭ قارساڭىندا جولداردىڭ جاعدايى الاڭداتۋدا. مەملەكەت باسشىسى قاسىم-جومارت توقايەۆ قاۋىپسىزدىكتى، ونىڭ ىشىندە جول قاۋىپسىزدىگىن كۇشەيتۋدى تاپسىرعان بولاتىن.
بۇگىنگى ءبىزدىڭ باستى مىندەتىمىز – ازاماتتارىمىزدىڭ قاۋىپسىزدىگىن قامتاماسىز ەتۋ. كەي جاعدايدا كوپشىلىگىمىز ءمان بەرە بەرمەيتىن ماسەلەلەر ازاماتتاردىڭ ءومىرى مەن دەنساۋلىعىنا اسەر ەتۋى مۇمكىن. ماسەلەن، قار ءتۇسىپ، كوكتايعاق كەزىندە قاردى تازالاپ، جولداردى ۋاقىتىلى اشىپ وتىرۋ ماڭىزدى.
ءقازىر ءبىز قىسقا دايىنبىز، بارلىق الدىن-الۋ شارالارى قابىلدانعان. جاراقات ءقاۋىپى جوعارى كەزەڭدە قالا تۇرعىندارىنان ءوتىنىم كوپ تۇسەدى. ءبىز بارلىق ماسەلەنى جەدەل شەشۋگە تىرىسامىز، – دەدى اكىم ورىنباسارى.
بۇعان قوسا باسقوسۋدا اكىمنىڭ ورىنباسارى كەشكى مەزگىلدە قالا كوشەلەرىنىڭ جارىقتاندىرۋىنا قاتىستى ماسەلەنى دە قوزعادى. ول ازاماتتاردىڭ قاۋىپسىزدىگىنە جانە جول ساپاسىنا جول بويىندا باعدارشامدار مەن بەينەباقىلاۋ كامەرلارىنىڭ جۇمىس ايتارلىقتاي اسەر ەتەتىنىن العا تارتتى.
– كۇن تارتىبىنەن كوشەلەردى جارىقتاندىرۋ ماسەلەسى تۇسكەن ەمەس. باعدارشامنان باستاپ بەينەباقىلاۋ كامەرالارىنا دەيىن تالقىلانۋدا. جوسپار بويىنشا كەلەسى جىلى ەلوردادا بەينەباقىلاۋ كامەرالارىنىڭ سانى ارتادى. وسى رەتتە بىزگە قوعامنىڭ پىكىرى ماڭىزدى، ياعني تەك سىن-ەسكەرتپەلەر عانا ەمەس، ناقتى ۇسىنىستار دا قاجەت، – دەپ تۇيىندەدى ءسوزىن باقتيار ماكەن.
