«AMANAT» partıasy fraksıasynyń Májilistegi otyrysynda depýtat Baqytjan Bazarbek Konstıtýsıanyń tek quqyqtyq normalar jıyntyǵy ǵana emes, eldiń ulttyq biregeıligin jáne negizgi qundylyqtaryn kórsetetin mańyzdy qujat ekenin atap ótti, dep habarlaıdy Dalanews.kz.

«Negizgi zań memleket qandaı prınsıpterdi ustanatynyn jáne qoǵamǵa, sondaı-aq sheteldik seriktesterge eldiń baǵytyn kórsetedi», - dedi ol. 

Konstıtýsıa ádildik, adam quqyqtary jáne qoǵamdyq kelisim ıdeıalaryn júzege asyrady.

Depýtat kásibı parlament qalyptastyrýǵa erekshe mán berip, ony demokratıalyq ınstıtýttardy nyǵaıtýdyń basty qadamy dep baǵalady. Endi barlyq depýtattar teń jaǵdaıda saılanady, taǵaıyndaýlar men «parashúttik» kandıdattar bolmaıdy. Bul proses ashyq ári ádil bolýmen qatar, depýtattardyń azamattarǵa jaýapkershiligin arttyrady.

Baqytjan Bazarbek kásibı parlament úkimettiń qyzmetin tıimdi baqylaýǵa, qoǵamnyń naqty qajettilikterin eskeretin zańnamalyq bastamalardy qalyptastyrýǵa jáne memlekettik ınstıtýttarǵa degen senimdi nyǵaıtýǵa múmkindik beretinine toqtaldy. Sonymen qatar, ashyq saılaý men kandıdattar arasyndaǵy básekelestik parlamentke eń bilikti ári jaýapty adamdardyń kelýin qamtamasyz etedi.

Osylaısha, jańa Konstıtýsıa men parlament reformalary qazirgi zamanǵy, ádil ári ashyq bılik júıesiniń berik negizin qalyptastyrady. Bul júıede halyq bıliktiń basty kózi bolyp qala beredi jáne memleket úshin mańyzdy sheshimderge naqty yqpal ete alady.