Búgin Májilistiń jalpy otyrysynda «Qazaqstannyń keibir zańnamalyq aktilerine aqparattyq qaýipsizdik máseleleri boiynsha ózgerister men tolyqtyrýlar engizý týraly» birinshi oqylymda qaraldy.
Depýtat Tsifrlyq damý, innovatsiialar jáne aeroǵarysh ónerkásibi vitse-ministri Málik Oljabekovke mańyzdy suraq qoidy. Qazir Aqparattyq qaýipsizdikti kúsheitý jónindegi zańdy qarap otyrmyz. 2016 jyly jerge qatysty úlken mitingiler boldy. Saldarynan halyq kóterildi. Ondaǵy eń negizgi másele jer kadastryn ashýǵa bailanysty boldy. Árbir jerdiń artynda qandai jemqor sheneýnik, prokýror, ákim, sýdia jáne osy júiemen aýyz jalasqan qandai oligarh turǵanyn halyq bilýi kerek. Ókinishke qarai, bul aqparat ashylmady, - dedi depýtat.
Odan bólek, depýtat Májiliste kóterilgen birneshe másele Úkimetten qoldaý tappaǵanyn aitty. «Aktivterdi qaitarý týraly» zań jobasynda men bul usynysty engizdim. Áriptesterim usynysymdy qoldasa da Úkimettiń kesirinen ol qabyldanbady. «Jaiylymdar týraly» zań jobasynda da osyny usyndym. Ony áriptesterim qoldap, Úkimet qaita qoldamady.
Birinshiden, zań jobasy («Qazaqstannyń keibir zańnamalyq aktilerine aqparattyq qaýipsizdik máseleleri boiynsha ózgerister men tolyqtyrýlar engizý týraly») jer kadastryndaǵy (málimetti) ashýǵa kómektese me? Erteń jer kadastry ashylmai qalmai ma? Ekinshiden, Orhýs konventsiiasyna qosyldyq. Onyń aqparattyq qoljetimdiligi. Oǵan Qazaqstan ratifikatsiia jasady. Alaida jer kadastry ashylmai tur. Bul zańdy ma?, - dedi Baqytjan Bazarbek.
Tsifrlyq damý, innovatsiialar jáne aeroǵarysh ónerkásibi vitse-ministri Málik Oljabekov depýtattyń saýalyna jaýap berýge tyrysyp, "Memleket basshysynyń tapsyrmasyn oryndaý aiasynda biz ashyqtyqty qamtamasyz etý úshin arnaiy jariia kadastrlyq kartany iske qostyq. Onyń negizinde jer ýchaskeleri týraly aqparatqa qol jetkizýge múmkindik uiymdastyrylady. Qazir osy jariia kadastrlyq kartanyń negizinde jer quqyqtyq jáne qala qurylysy kadastrlarynyń derekteri jariialandy. Sondai-aq jer ýchaskeleriniń menshik ieleri týraly derekter Jer kodeksine sáikes memlekettik jer kadastrynyń avtomattandyrylǵan aqparat júiesiniń jergilikti bazasynan ony jinap, kóshirip jatyrmyz. Osy tehnikalyq jumystar aiaqtaldy. Endi fýnktsionaldyq testileý júrgizilip jatyr. Osy testileý bitken soń jariia kadastrlyq kartasynda jariialanady. Ony qazannyń aiaǵyna deiin dep josparlap otyrmyz, – dedi vitse-ministr.
Biraq depýtat Baqytjan Bazarbek vitse-ministrdiń jaýabyna qanaǵattanǵan joq, ol «ótirik áńgimeden» sharshaǵanyn ashyq aitty. Qazaqta «Dombyram ne deidi, men deimin» degen maqal bar. Men sizden jariia kadastrlyq karta týraly suramadym. Men sizden «jerdiń iesi kim?» dep surap turmyn. Jerdiń iesi men onyń aty-jóni týraly aqparat ashyq bolýǵa tiis. Orhýs konventsiiasyna qosyldyq. Konventsiianyń kúshi Konstitýtsiianyń 4-babyna sáikes ulttyq zańnamadan basym bolady. Ótirik áńgimeni qashan toqtatasyzdar? Jer kadastryn ashý kerek. Halyqtyń muńy osy. Mundai ótirik áńgimeni Parlament tórinde aitýdy qoiyńyzdar. Bolmasa, jumystan ketińizder, – dedi depýtat.
