Májilis qabyrǵasynda "Tutynýshylardyń quqyqtaryn qorǵaý týraly" Zań jobasy men oǵan ilespe qujat qaralyp jatyr.Osy tusta májilis depýtaty Baqytjan Bazarbek eldegi aviatsiia salasyn synap tastady, dep habarlaidy Dalanews.kz.
Aitýynsha, Qazaqstandaǵy áýe kompaniialar halyqtyń quqyǵyn taptaityn áreketterge jii jol beredi.
"Air Astana, Fly Arystan ciiaqty kompaniialardyń bassyzdyǵynan, zańsyzdyǵynan, bylyqtarynan halyq sharshady. Memlekettiń tisi batpai otyr. Ókinishke qarai, biletterdi qaitarmaidy, ne reisterdi keiinge qaldyrady”, - deidi ol.
Sonymen qatar depýtat múgedektigi bar azamattar men jasóspirimderdi reisten qaldyryp otyrǵanyn da erekshe atap ótti.
“Mynaý lobbisterdiń kezinde lobbisterdiń isimen tutynýshylardy qorǵaýdy kózdeitin tekseristiń bárin alyp tastady. Endi lobbister áli de kúshti. Endi olar kóterilgen bilettiń qunyn qaitadan kóterýge tyrysyp jatyr”, - dedi májilis depýtaty.
Osy tusta ol ministrlikke mańyzdy suraqtar joldady.
“Bul jerde másele halyqaralyq konventsiiada shyǵar. Kezinde Varshava konventsiiasyna qosyldyq. Biraq atalǵan qujatta tetikter joq. Múmkin ol konventsiiadan shyǵyp, Monreal konventsiiasyna qosylý kerek shyǵar. Áýejai men áýekompaniia basshylyqtaryn reisterdi keiinge qaldyrýǵa bailanysty osy zań jobasy aiasynda múliktik jaýapkershilikke tartý josparda bar ma, joq pa? Áýe basshylyǵy jaýapkershilikke tartyla ma?”, - dep surady Baqytjan Bazarbek zań jobasyn ázirlegen ministrlikke.
Al Saýda jáne integratsiia ministri Arman Shaqqaliev depýtat kótergen másele jańa zań aiasynda sheshimin tabatynyn atap ótti.
"Durys aitasyz, bul - ózekti másele. Aqshany qaitarmaý úshin múmkindik boldy. Qazirgi zańda sondai qate tusy bar. Biz ony alyp tastadyq. Endi jańa zań boiynsha quziretimiz keńeiedi. Bul másele bizdiń qaraýymyzda bolady. Ekinshiden, 100 paiyz aqshany qaitarmaý týraly bapty zańnan alyp tastadyq. Endi olarda zań júzinde ondai múmkindie bolmaidy, - dep jaýap berdi Shaqqaliev.
