Bul týraly Tengrinews.kz habarlaidy.
Almaty oblystyq prokýratýrasynda, memlekettik aiyptaý Esentaevty QR Qylmystyq kodeksiniń «Seksýaldyq sipattaǵy zorlyq-zombylyq áreketteri» jáne «Zorlaý» baptary boiynsha eki jaqtyń mámilege kelýine bailanysty kinásiz dep taýyp, al «Kis óltirýge oqtalý» baby boiynsha aiypty dep tanylyp, 9 jylǵa bas bostandyǵynan aiyrý jazasyn qatań rejimdegi koloniiada óteýin surady.
Taldyqorǵanda Almaty oblysynyń qylmystyq ister boiynsha mamandandyrylǵan aýdanaralyq sotynda qazaqstandyq prodiýser Baian Maqsatqyzynyń kúieýine qatysty alqa bileriniń qatysýymen ótip jatqan sot otyrysynda Baian Maqsatqyzy sotta kúieýin balalary úshin keshirgen. «Lashyn» toby men taksi júrgizýshisinen Baqytbek Esentaevtyń isi boiynsha sotta jaýap alynǵan. Bul týraly sottalýshynyń qorǵaýshy taraptyń ókilderi málimdedi. Prodiýserdiń advokaty Marat Asqarbekov Baian Maqsatqyzynyń Baqytbek Esentaevqa qatysty isti toqtatý týraly ótinish bildirgenin málimdedi
Eske salaiyq, 10 maýsymda Baian Maqsatqyzy Talǵar aýrýhanasyna bassúiek mi jaraqaty, pyshaq jaraqaty jáne murynnyń synýy diagnozymen túsken bolatyn. Aldyn ada málimet boiynsha, ony kúieýi Baqytbek Esentaev uryp-soqqan. Bul oqiǵa Qulja tas jolynda bolǵan. Talǵar aýdandyq IIB Baqytbek Esentaev eki aiǵa qamaýǵa aldy, al jábirlenýshige úsh saǵat boiy ota jasaldy. «Esentaev kinásin moiyndap otyr, onyń kinási dáleldendi, ol óz áieline pyshaq jaraqatyn saldy. (…) Búgin sot sanktsiiasy boldy, is tergelip jatyr, tergeý múddesine bailanysty istiń mán-jaiyn asha almaimyn. Saraptamalar taǵaiyndaldy, jábirlenýshiniń qansha ret pyshaqtalǵanyn tergeý barysynda anyqtaimyz», — dedi Talǵar aýdandyq IIB basshysy Asqar Shahin.
Aita ketelik sot protsesi jabyq túrde ótip jatyr, sebebi is materialdarynda intimdik detaldar bar.
