Baqyt indeksi reitingisinde Qazaqstan TMD elderi arasynda kósh bastady, dep habarlaidy Dalanews.kz 24kz arnasyna silteme jasap.
Jyl saiynǵy World Happiness Report reitinginde Qazaqstan 43-orynǵa ie boldy. Osylaisha elimiz Ózbekstannan 10 orynǵa, Reseiden 13, Qyrǵyzstannan 32 orynǵa joǵary tur.
Byltyr Qazaqstan bul tizimde 49-orynǵa kóterilgen bolatyn. Aita keteiik, World Happiness Report – bul Gallup, Birikken ulttar uiymy jáne Oksford ýniversiteti jyl saiyn jariialaityn reiting.
Onda 140-tan astam eldegi baqyt indeksi esepteledi. Baqyt indeksi jan basyna shaqqandaǵy jalpy ishki ónim, áleýmettik qoldaý, ómir súrý uzaqtyǵy, erkindik, jomarttyq jáne azamattardyń memlekettik institýttarǵa senimin, sonymen birge respondentterdiń ómirge qanaǵattanýshylyq deńgeiin anyqtaý arqyly esepteledi.
Qazaqstanda 2019 jyldan bastap ómir súrý uzaqtyǵy 73-ten 75 jasqa deiin uzardy. Jalpy ólim-jitim 7,8%-ke, ana ólimi 26,3%-ke, náreste ólimi 15,8%-ke tómendedi.
Premer-ministr Oljas Bektenov Qasym-Jomart Toqaevtyń prezidenttik qyzmetiniń alty jyldyǵyna arnalǵan maqalasynda jan basyna shaqqandaǵy ishki jalpy ónim eki esege jýyq óskenin atap ótken edi.
