Merekelik is-sharada elimizdiń kók týy kókke kóterilip, elimizdiń ánuranyn aýdan jurtshylyǵy qasqaıyp turyp shyrqady. Osylaısha egemendigimizdi eshkimge bermeıtindigin, ony nyǵaıtý jolynda aıanbaı eńbek etetindikterin maqtaaraldyqtar kórsetip berdi.
Aýdan turǵyndaryn elimizdiń basty merekesimen quttyqtap, izgi tilegin arnaý úshin sahnaǵa aýdan ákimi Baqyt Asanov shyqty.
– Qurmetti maqtaaraldyqtar! Sizderdi 16 jeltoqsan – Qazaqstan Respýblıkasynyń Táýelsizdigi kúnimen shyn júrekpen quttyqtaımyn. Dúnıede barlyq adam, barlyq halyq táýelsizdik pen bostandyqty, teńdikti ańsaıtyny anyq. Sol joldaǵy tynymsyz kúres álemniń keı túkpirinde áli de jalǵasyp jatyr. Táýelsizdik uǵymynyń tereń astaryn tarıh qoınaýynan, ata-babamyzdyń ótkeninen, onyń san ǵasyrlyq armanynan izdegenimiz abzal. Ǵasyrlar boıy babalar kóksegen táýelsizdik týyn jelbiretý baqyty búgingi zamanda ǵumyr keship jatqan bizderge buıyrypty. Qazirgi basty mindet te, basty paryz da el Táýelsizdigin kózdiń qarashyǵyndaı saqtaý ári ony odan ári nyǵaıtý bolyp tabylady. Osyndaı mańyzy bar tarıhı dýmanda elimizdiń týy asqaqtap, keleshegi kemeldene bersin!.. Sizderge ıgilik, barlyq bastamalarda sáttilik, erteńge senimdilik tileımin. Egemen elimizdiń ıgiligi jolyndaǵy isterińizge mol tabys, januıalaryńyzǵa bereke-birlik, denderińizge saýlyq tileımin! – dedi Baqyt Násirhanuly.
Mereke barysynda aýdan basshysy birqatar belsendi azamattarǵa el Táýelsizdigine oraı respýblıka, oblys basshylarynyń jáne óziniń atynan tósbelgi men alǵys hattar tabystady.
Aýdandyq máslıhattyń hatshysy Q.Sársekbaev, aýdandyq ardagerler keńesiniń tóraǵasy S.Ońǵarov, aýdandyq qoǵamdyq keńesiniń b
İs-shara merekelik konserttik baǵdarlamaǵa ulasyp, aýdan ónerpazdary ónerlerin ortaǵa saldy.
Maqtaaral aýdany ákiminiń baspasóz qyzmeti
