Janqosh Turarov daýly oqiǵadan keiin ataǵynan aiyrylýy múmkin, - dep habarlaidy Dalanews.kz.
Qazaqstandyq boksshy Janqosh Turarov (28-0, 20 KO) birinshi jartylai orta salmaqta IBO nusqasy boiynsha álem chempiony ataǵynan aiyrylýy múmkin.
34 jastaǵy boksshy buǵan deiin 2023 jyly qazanda ringke shyqty.
"IBO erejeleri boiynsha titýldy jylyna keminde bir ret qorǵaý kerek. Alaida 10 jeltoqsanda qazaqstandyqtyń keiingi jekpe-jegi ótkenine týra bir jyl bolady. Derekkóz málimetinshe, bul Turarovty chempion ataǵynan aiyrýǵa sebep bolady", - dep jazylǵan Vesti.kz aqparatynda.
Aita keteiik, Janqosh Turarov 28 qyrkúiekte Almatyda ringke shyǵýy kerek edi, biraq onyń venesýelalyq Hesýsa Korrea Pintoǵa (16-0, 16 KO) qarsy jekpe-jegi ótkizilmedi.
21 tamyzda Almatynyń Áýezov aýdany politsiia basqarmasyna 1996 jyly týǵan qyz "ózin zorlaǵanyn" aityp, aryz jazǵan edi. Keiin politsiia qylmystyq is qozǵaǵanyn rastady, al tanymal boksshy Janqosh Turarovtyń ózi taǵylǵan aiypty joqqa shyǵardy.
Artynsha politsiia is toqtatylǵanyn habarlady.
"Is júrgizý aiasynda sot-meditsinalyq jáne sot-biologiialyq saraptama júrgizildi, onyń qorytyndysy boiynsha zorlaý faktisi rastamaldy. 20 qazanda Qazaqstan Respýblikasy Qylmystyq is júrgizý kodeksiniń 35-baby 1-bóligi 2-tarmaǵy negizinde sotqa deiingi tergep-tekserýdi toqtatý týraly túpkilikti sheshim shyqty.
Áýezov aýdandyq prokýratýrasy bul sheshimmen kelisti", - dedi politsiia.
Aita keteiik, Janqosh Turarov kásipqoi ringte 2009 jyldan beri óner kórsetip keledi. Ol 28 jekpe-jek ótkizip, onyń 20-syn nokaýtpen jeńgen.
