Qadaǵalaý organy bankterdiń azamattardan nesieleri men qaryzdary boiynsha artyq aqsha qarajatyn ustap qalý faktilerin anyqtady.
Eńbek kodeksinde (115-bap) jáne "Qazaqstan Respýblikasynda zeinetaqymen qamsyzdandyrý týraly" zańda (23-bap) tiesili jalaqy men zeinetaqy somasynyń 50%-ynan astamyn óndirip alýǵa tyiym salynǵan.
"Alaida bankter (Kaspi Bank, Eýraziialyq bank, Qazaqstan Halyq banki, Hoým Kredit end Finans Bank AQ) azamattardyń shottaryndaǵy aqshalai qarajattaryn bekitilgen kólemnen asyra aqsha ustap otyrǵan.
Mysaly, "Kaspi Bank" AQ Óskemen qalasy turǵynynyń eńbekaqy alýǵa arnalǵan banktik shoty boiynsha "Qazaqstan Halyq Banki" AQ-ǵa tólem talabyn qoiǵan. Osy talap túskenge deiin jumys berýshi aliment tólemderi úshin eńbekaqysynyń jartysyn ustaǵan bolatyn. Nátijesinde, barlyq ustalynǵan somalardan keiin onyń esep-aiyrysý shotynda nebary 16 myń teńge (25%) qalǵan.
Sot sheshimimen talapkerdiń paidasyna artyq ustalǵan soma óndirilip alyndy, biraq ol úshin sot daýlaryna toǵyz ai ýaqyt ketti", delingen QR Bas prokýratýrasy habarlamasynda.
Osyndai faktiler Aqtóbe, Qaraǵandy, Jambyl, Qostanai jáne Soltústik Qazaqstan oblystarynda da anyqtalǵany atap ótiledi.
Quzyrly vedomstva bul problema bankterdiń aqshalai qarajattyń banktik shotqa túskenge deiin júrgizilgen atqarýshylyq is júrgizý boiynsha ustaýlardan habardar bolmaýynyń saldarynan oryn alyp jatqanyn naqtylaidy.
"Osyndai áreketterdiń nátijesinde qaryz alýshylar ózderiniń jalǵyz tabys kózinen zańsyz aiyrylǵan, bul halyqtyń narazylyǵyn týdyrýda", delingen resmi habarlamada.
Bas prokýratýranyń usynysy boiynsha Qarjy naryǵyn retteý jáne damytý agenttigi atalǵan problemany kelesi sharalardy qabyldaý arqyly sheshti:
- klienttiń ótinishi negizinde bankterdiń jáne sot oryndaýshylarynyń artyq tólengen somany 5 jumys kúni ishinde qaitarý algoritmi qoldanysqa engizildi;
- Qazaqstan bankteriniń bazasy atqarýshylyq is júrgizý organdarynyń avtomattandyrylǵan aqparattyq júiesimen integratsiialandy.
Bul bankterge barlyq kreditorlardyń eńbekaqy nemese zeinetaqydan jalpy ustalynǵan somalardyń zańda belgilengen 50%-dan aspaýy úshin olardyń klientinen qandai shegerimder jasalǵanyn kórýge múmkindik beredi.
Zańsyz óndirip alý faktileri oryn alǵan jaǵdaida azamattar Qarjy naryǵyn retteý jáne damytý agenttigine, onyń aýmaqtyq bólimshelerine nemese prokýratýraǵa shaǵymmen júginýge quqyly, dep sendiredi agenttik.
