"Balqash Jylý" JSHS dırektorynyń burynǵy orynbasary jáne kásiporynnyń bas esepshisi búdjet qarajatyn urlaǵany úshin sottaldy, dep habarlaıdy Dalanews.kz.
Qarjylyq monıtorıń agenttiginiń málimetinshe, sottalǵandar 2020 jylǵy maýsym men 2023 jylǵy qańtar aralyǵynda Balqash JEO men Balqash qalasyn jylýmen jabdyqtaý jelilerin jóndeýge jáne jumysyn úzdiksiz qamtamasyz etýge arnalǵan búdjet qarajatyn is júzinde qandaı da bir kelisimsharttar jasamastan, jalǵan kásiporyndardyń shottaryna aýdarǵan.
Urlanǵan 708 mln teńge jyljymaıtyn múlikke baılanysty kelisimder jasaý arqyly zańdastyrylǵan.
Tergeý barysynda kúdiktiler 144 mln teńgeni qaıtardy. Kináli adamdardy sot 5,5 jyl jáne 5 jyl bas bostandyǵynan aıyrdy. Sot úkimi zańdy kúshine engen joq, – delingen QMA habarlamasynda.
Memleket kirisine 3 bólmeli páter men Lexus avtokóligi tárkilendi.
