"بالقاش جىلۋ" ج ش س ديرەكتورىنىڭ بۇرىنعى ورىنباسارى جانە كاسىپورىننىڭ باس ەسەپشىسى بيۋدجەت قاراجاتىن ۇرلاعانى ءۇشىن سوتتالدى، دەپ حابارلايدى Dalanews.kz.
قارجىلىق مونيتورينگ اگەنتتىگىنىڭ مالىمەتىنشە، سوتتالعاندار 2020 جىلعى ماۋسىم مەن 2023 جىلعى قاڭتار ارالىعىندا بالقاش جەو مەن بالقاش قالاسىن جىلۋمەن جابدىقتاۋ جەلىلەرىن جوندەۋگە جانە جۇمىسىن ۇزدىكسىز قامتاماسىز ەتۋگە ارنالعان بيۋدجەت قاراجاتىن ءىس جۇزىندە قانداي دا ءبىر كەلىسىمشارتتار جاساماستان، جالعان كاسىپورىنداردىڭ شوتتارىنا اۋدارعان.
ۇرلانعان 708 ملن تەڭگە جىلجىمايتىن مۇلىككە بايلانىستى كەلىسىمدەر جاساۋ ارقىلى زاڭداستىرىلعان.
تەرگەۋ بارىسىندا كۇدىكتىلەر 144 ملن تەڭگەنى قايتاردى. كىنالى ادامداردى سوت 5،5 جىل جانە 5 جىل باس بوستاندىعىنان ايىردى. سوت ۇكىمى زاڭدى كۇشىنە ەنگەن جوق، – دەلىنگەن قما حابارلاماسىندا.
مەملەكەت كىرىسىنە 3 بولمەلى پاتەر مەن Lexus اۆتوكولىگى تاركىلەندى.
