Aitysker aqyn Balǵynbek Imashevtiń uly uiymdastyrǵan qajylyq týryna aqsha tólep, jolda qalǵan taǵy 40-qa jýyq adam shý kóterdi. Qazaqstannyń ár túkpirinen kelgen azamattar Mekke men Mádinaǵa attana almai, bergen qarajattaryn qaitaryp ala almai sendelip júr, dep habarlaidy Dalanews.kz KTK arnasyna silteme jasap.
Almatydaǵy politsiia basqarmasyna arnaiy kelgen top tergeýdiń sozylyp ketkenine narazy. Qasietti jerge sáýirdiń 19-y kúni ushamyz dep úmittengender áli kúnge deiin jolǵa shyqpaǵan.
«Sáýirde saparǵa attanamyz degenbiz, mine, eki ai boldy. Aqshamyzdy da qaitara almai áýremiz. «Jumaǵa deiin, Qurban aitqa deiin qaitaramyz» dep ýáde etken. Jaýap beretin adam joq, direktory – Daniiar Imashev degen jigit», – deidi zardap shegýshilerdiń biri Berik Marjanov.
Ár adam qajylyqqa barý úshin shamamen 500 myń teńgeden tólegen. Zardap shegýshilerdiń jalpy shyǵyny – 20 million teńgeden asady. Jolaýshylarǵa Mekke men Mádinadaǵy úsh-tórt juldyzdy qonaqúilerde jaily jatyn oryn ýáde etilgen.
Joldamaǵa aldanǵandardyń aitýynsha, olar bul kompaniiany áleýmettik jelidegi jarnama arqyly taýypty. Balǵynbek Imashevtiń ózi jarnamalap júrgen soń, kúmánsiz senip qalǵandaryn aitady. Qazir, biraq, aitysker de, uly Daniiar Imashev te bailanysqa shyqpai qalǵan. Jýrnalister habarlasqanymen, Balǵynbek múlde jaýap bermegen.
Eske sala keteiik, buǵan deiin dál osy kompaniiadan qajylyq joldamasyn satyp alyp, san soǵyp qalǵan 50-ge jýyq adam politsiiaǵa shaǵymdanǵan edi. Ol kezde Daniiar Imashev shuǵyl túrde aqshalaryn qaitaryp bergen. Qazir taǵy alaiaqtyq deregi boiynsha qylmystyq is qozǵalyp, tergeý bastalǵan.
«Qylmystyq is boiynsha barlyq qajetti saraptamalar júrgizilip jatyr. Tergeý aiaqtalǵan soń, is materialdary mindetti túrde sotqa jiberiledi», – dedi Almaty qalasy politsiia departamentiniń resmi ókili Saltanat Ázirbek.
