Qazaqstanda áleýmettik jeli arqyly azamattardy aldaityn jańa tásil tarala bastady. Alaiaqtar ózderin "emshi", "kóripkel" nemese "balger" retinde tanystyryp, "balańyzǵa qatty dýa jasalǵan" degen jeleýmen aqsha suraidy, dep habarlaidy dalanews.kz.
IIM málimetinshe, kúmándi tulǵalar adamdardyń qorqynyshy men jaqyndaryna degen alańdaýshylyǵyn óz paidasyna paidalanýǵa tyrysady. Olar áleýmettik jeliler men messendjerler arqyly bailanysqa shyǵyp, túrli "belgilerdi" tizip, jaǵdaidyń kúrdeli ekenine sendiredi. Artynsha "em júrgizý", "dýany qaitarý" nemese arnaiy zattar satyp alý qajet degen syltaýmen aqsha aýdarýdy talap etedi.
Politsiia internettegi beitanys adamdardyń "emdep jazý" nemese "kóz tiiýden aryltý" týraly ýádelerine senbeýge shaqyrady. Sondai-aq bóten adamnyń esepshotyna aqsha aýdarmaý, bank kartasynyń derekteri men SMS-kodtardy eshkimge bermeý qajet.
Kúmándi habarlama kelgen jaǵdaida dúrbeleńge boi aldyrmai, aqparatty birneshe derekkózden teksergen jón. Al alaiaqtyq belgileri baiqalsa, hat almasý tarihy men aqsha aýdarymy týraly túbirtekterdi saqtap qoiý kerek.
"Alaiaqtar adamdardyń senimin, qorqynyshy men alańdaýshylyǵyn paidalanady. Eger sizden osyndai tásilmen aqsha talap etse nemese alaiaqtardyń qurbany bolsańyz, dereý “102” nómirine habarlasyńyz", – delingen IIM habarlamasynda.
