Qazaq eli osydan birneshe jyl buryn belgiialyq áiel asyrap alyp ketken Jánibektiń taǵdyryna alańdap, anasy tabylyp ketýin tilep otyr. Tanymal jýrnalist Qymbat Dosjan áleýmettik jelidegi paraqshasynda balanyń taǵdyryna qatysty aqparattar jariialap turady. Onyń sózinshe, bul joly Belgiiadaǵy elshilikten mańyzdy aqparat kelgen, - dep habarlaidy Dalanews.kz.
"Barmysyń, baýyrym?" habarynyń redaktsiiasy Jánibektiń anasyna qatysty jaitty anyqtaý úshin Qazaqstannyń Belgiiadaǵy elshiligine hat joldaǵan.
"Hattaǵy mańyzdy 2 saýaldyń biri: "Jánibek Jumaǵulovty asyrap alǵan Belgiialyq kelinshektiń esebi nege túgel emes?". Ekinshisi:"Jánibek Jumaǵulovty asyrap alǵan Belgiialyq kelinshek birneshe ret meditsinalyq emdeý mekemesine jatqyzylǵan. Sol jyldary Qazaqstannyń Belgiiadaǵy elshiligi, Qazaqstannyń Syrtqy ister ministrligi balanyń jaǵdaiynan habardar bolǵan ba? Eger memlekettik organdar habardar bolsa, qandai sheshim qabyldandy?" - dep jazdy jýrnalist.
Bul hatqa Belgiiadaǵy tótenshe jáne ókiletti elshi Marǵulan Baimuhannan jaýap kelgen.
"Hat mazmunynda Jánibek Jumaǵulov kómek surap, Belgiiadaǵy elshilikke júginbegeni jazylǵan. Bul málimet buǵan deiin de bizge belgili bolatyn. Óitkeni, Jánibektiń aitýynsha, bala 16 jasynda asyrap alǵan adamnan bólek ketip, kámelettik jasqa tolǵanda tipti Ispaniiaǵa ketip qalǵan. Sondyqtan anasyn izdep, Ispaniiadan kelgen bolatyn. Elshilik hatyndaǵy ekinshi málimet: bala asyrap alý ortalyǵy ókiliniń habarlaýynsha, Jánibektiń asyrap alynýy asyrap alý agenttikteriniń qatysýynsyz, jeke, tikelei boldy. Sondai-aq, osy ortalyqtyń ókili bul bala kámeletke tolǵandyqtan, qandai da bir esepterdi, aqparatty suraýǵa nemese osyǵan bailanysty qadamdar jasaýǵa quqy joq degendei jaýap aldyq", - deidi Qymbat Dosjan.
