قازاق ەلٸ وسىدان بٸرنەشە جىل بۇرىن بەلگييالىق ەيەل اسىراپ الىپ كەتكەن جەنٸبەكتٸڭ تاعدىرىنا الاڭداپ, اناسى تابىلىپ كەتۋٸن تٸلەپ وتىر. تانىمال جۋرناليست قىمبات دوسجان ەلەۋمەتتٸك جەلٸدەگٸ پاراقشاسىندا بالانىڭ تاعدىرىنا قاتىستى اقپاراتتار جارييالاپ تۇرادى. ونىڭ سٶزٸنشە, بۇل جولى بەلگيياداعى ەلشٸلٸكتەن ماڭىزدى اقپارات كەلگەن, - دەپ حابارلايدى Dalanews.kz.
"بارمىسىڭ, باۋىرىم?" حابارىنىڭ رەداكتسيياسى جەنٸبەكتٸڭ اناسىنا قاتىستى جايتتى انىقتاۋ ٷشٸن قازاقستاننىڭ بەلگيياداعى ەلشٸلٸگٸنە حات جولداعان.
"حاتتاعى ماڭىزدى 2 ساۋالدىڭ بٸرٸ: "جەنٸبەك جۇماعۇلوۆتى اسىراپ العان بەلگييالىق كەلٸنشەكتٸڭ ەسەبٸ نەگە تٷگەل ەمەس?". ەكٸنشٸسٸ:"جەنٸبەك جۇماعۇلوۆتى اسىراپ العان بەلگييالىق كەلٸنشەك بٸرنەشە رەت مەديتسينالىق ەمدەۋ مەكەمەسٸنە جاتقىزىلعان. سول جىلدارى قازاقستاننىڭ بەلگيياداعى ەلشٸلٸگٸ, قازاقستاننىڭ سىرتقى ٸستەر مينيسترلٸگٸ بالانىڭ جاعدايىنان حاباردار بولعان با? ەگەر مەملەكەتتٸك ورگاندار حاباردار بولسا, قانداي شەشٸم قابىلداندى?" - دەپ جازدى جۋرناليست.
بۇل حاتقا بەلگيياداعى تٶتەنشە جەنە ٶكٸلەتتٸ ەلشٸ مارعۇلان بايمۇحاننان جاۋاپ كەلگەن.
"حات مازمۇنىندا جەنٸبەك جۇماعۇلوۆ كٶمەك سۇراپ, بەلگيياداعى ەلشٸلٸككە جٷگٸنبەگەنٸ جازىلعان. بۇل مەلٸمەت بۇعان دەيٸن دە بٸزگە بەلگٸلٸ بولاتىن. ٶيتكەنٸ, جەنٸبەكتٸڭ ايتۋىنشا, بالا 16 جاسىندا اسىراپ العان ادامنان بٶلەك كەتٸپ, كەمەلەتتٸك جاسقا تولعاندا تٸپتٸ يسپانيياعا كەتٸپ قالعان. سوندىقتان اناسىن ٸزدەپ, يسپانييادان كەلگەن بولاتىن. ەلشٸلٸك حاتىنداعى ەكٸنشٸ مەلٸمەت: بالا اسىراپ الۋ ورتالىعى ٶكٸلٸنٸڭ حابارلاۋىنشا, جەنٸبەكتٸڭ اسىراپ الىنۋى اسىراپ الۋ اگەنتتٸكتەرٸنٸڭ قاتىسۋىنسىز, جەكە, تٸكەلەي بولدى. سونداي-اق, وسى ورتالىقتىڭ ٶكٸلٸ بۇل بالا كەمەلەتكە تولعاندىقتان, قانداي دا بٸر ەسەپتەردٸ, اقپاراتتى سۇراۋعا نەمەسە وسىعان بايلانىستى قادامدار جاساۋعا قۇقى جوق دەگەندەي جاۋاپ الدىق", - دەيدٸ قىمبات دوسجان.
