Balalar, negizinen, otbasynda virýs juqtyrǵan adammen bailanysta bolǵannan keiin aýyrady, dedi №3 kópbeiindi qalalyq balalar aýrýhanasy direktorynyń meditsinalyq bólim jónindegi orynbasary, infektsionist-dáriger Roza Ótegenova.
"Iaǵni, otbasynda eresek adam aýyrsa, tipti jeńil túri bolsa da, onda balalardyń barlyǵy derlik juqtyrady. Búgingi kúni infektsiialyq ortalyqta virýs juqtyrǵan 110-nan astam bala emdelip jatyr, - dep keltirdi dárigerdiń sózin ákimdiktiń resmi saity.
Sondai-aq, infektsionist "delta" shtamm óte agressivti ekenin atap ótti, sondyqtan balalar eresekterge qaraǵanda ońai jáne tez juqtyrady.
"Balalarda aýrý simptomatikalyq emes, klinikalyq aiqyn formalarǵa deiin sozylady. Balalarda baiqalatyn negizgi belgiler – intoksikatsiia, dene qyzýy, kataraldy kórinister bolýy múmkin. Sondyqtan bastapqyda qarapaiym virýstyq infektsiialardan esh aiyrmashylyǵy joq dep aita alamyz.
Biraq ýaqyt óte asqynýy múmkin. Sonymen qatar sozylmaly aýrýlar bolǵan kezde sozylmaly patologiialardyń dekompensatsiiasy bastalýy múmkin. Bul jaǵdaidyń nasharlaýyna alyp keledi", - dedi Ótegenova.
Sondai-aq, dárigerdiń pikirinshe, kóp nárse balanyń koronavirýs juqtyrǵanǵa deiingi densaýlyǵyna bailanysty. Iaǵni, eger ol COVID-ke deiin saý bolsa, aýrý jeńilirek ótedi.
"Aýrý aǵymynyń ereksheligi sol, onyń infektsiialyq protsesi kez-kelgen kezeńde aiaqtalýy múmkin. Iaǵni bala ne tez emdelip shyǵady nemese birden aýyr túrine jetedi. Inkýbatsiialyq kezeń eresekterdegidei ótedi: 4-ten 14 kúnge deiin. Alaida, balada qosymsha aýrýlary bolsa, onyń jaǵdaiy jyldam nasharlaýy nemese nasharlamaýy múmkin", - deidi maman.
Koronavirýs eresekterdegi siiaqty balalarda da eń aldymen ókpeni zaqymdaidy. Biraq júrek, baýyr, asqazan-ishek joldary bolýy da múmkin. Sol siiaqty aýyr túrdegi sepsis pen shok jaǵdaiyna deiin ákelýi múmkin.
"Ata-analardyń bárine saqtyq sharalaryn qatań saqtaýyn, ásirese vaktsina saldyrýy kerek ekenin aitqymyz keledi. Negizinen ekpe almaǵan otbasylardyń balalary aýyr túrde aýyrady.
Vaktsina alyńyz, ózińizdi jáne balalardy qorǵańyz! Óitkeni, kishkentai balalar óziniń aýyryp qalǵanyn túsinbeýi múmkin, al keiin aýrý aýyr kúide ótedi", - dep qorytyndylady Roza Ótegenova.
