Balalarǵa qýanysh syilady
Shara barysynda balalar birneshe qyzmettik aimaqtarǵa, onyń ishinde PC zone, Console zone, Open Mation zone, Kids lounge taǵy basqalaryna bardy. Ortalyqta balalarǵa TMD elderiniń eń úlken oiyn toptamasy usynǵan. Ár kompiýterde 90-nan astam ərtúrli janrdaǵy oiyndar bar. Balalar súiikti oiyn pristavkalarmen, ətkenshektermen, syrǵanaqtarmen, labirint-transformerlermen, ushatyn zeńbirektermen, jumsaq oiynshyqtardyń toptamasymen tek súiikti mýltfilmder kóretin jumsaq jastyqshasy bar arnaiy bólmelerde oinady. Bul aimaqtarda balalarmen birge eki animator oinap, jarystar uiymdastyrdy.
Atalmysh is-shara «Bolashaq» qaýymdastyǵynyń uiymdastyrýymen, «Next» oiyn-saýyq ortalyǵynyń, «Gippo» fast-fýd jelisiniń qoldaýymen iske asty.
«Bolashaq» Qaýymdastyǵy bul – «Bolashaq» baǵdarlamasy stipendiattarynyń alǵan tájiribeleri men múmkindikterin biriktire otyryp, eldiń turaqty damýyna úles qosý maqsatyn kózdeitin kommertsiialyq emes uiym. «Meiirimdilik shýaǵy» – bul jetim jáne ata-anasynyń qamqorlyǵynsyz qalǵan balalarǵa arnalǵan qaiyrymdylyq joba. Ár jyl saiyn joba aiasynda balalar úiiniń tárbielenýshilerine mádeni-tanymdyq jáne oiyn-saýyqtyq is-sharalar ótkizilip turady. Jobany árdaiym stipendiattar men belsendi jastar qoldap otyrady.
Nurlan BIIMBET
