Balalarǵa qamqorlyq
– Balalardyń ómirin jaqsartyp, laiyqty jáne tabysty bolashaqqa qol jetkizýge múmkindik berý úshin der kezinde bilikti mamandardyń kómegi aýadai qajet bolady. Sondyqtan da erekshe oqytýdy qajet etetin balalarǵa jáne olardyń otbasylaryna tiisti járdem kórsetetin osyndai ortalyq ashylyp otyr. Endi búldirshinderimiz bilikti mamandardyń demeýimen qatardan qalmai tiisti deńgeide bilim ala alatyn bolady, – dedi Janseiit Qanseiituly.
Bul "Dara" qaiyrymdylyq qory, Ońtústik Qazaqstan oblysynyń bilim basqarmasy, "Samruk-Kazyna Trust" qaiyrymdylyq qorynyń qoldaýymen ashylǵan elimizdegi segizinshi kabinet. Onda defektolog, psiholog, logoped, sýrdopedagog, tiflopedagog syndy mamandar qyzmet kórsetedi. Aqysyz túrde qyzmet kórsetetin túzetý kabineti jylyna 150 balaǵa deiin emdeý jumystaryn júrgize alady.
Jiyn barysynda óńir basshysy "Dara" qaiyrymdylyq qorynyń quryltaishysy Gúlnar Dosaevany ortalyqtyń qurylýyna súbeli úles qosqany úshin alǵysyn bildirdi.
Aita keteiik, Shymkent qalasynda toǵyz myńnan astam erekshe bilim berýdi qajet etetin jetkinshek bar. Onyń ishinde 4000-nan astam balanyń múmkindigi shekteýli bolsa, 672 bala mektepke deiingi damýynda aýytqýy barlar sanatyna jatady. Jańadan ashylǵan ortalyq kómekke zárý jandarǵa tolyqtai kómek kórsetedi degen senim mol.
OQO ákiminiń baspasóz qyzmeti
