Onyń aitýynsha, qazir elimizde balalardy vaktsinalaýǵa bolatyn ekpe túri joq.
Bizdiń balalarymyzdyń vaktsina alýyna múmkindik berýimiz kerek. Ázirge naqty kúndi atai almaimyz. Qazirdiń ózinde kóptegen ata-analar habarlasyp, balalaryna vaktsina egýdi suraýda, ókinishke orai, ázirge Qazaqstanda mundai vaktsinalar joq. Múmkindik paida bolǵannan keiin biz osy negizdegi qoljetimdilikti qamtamasyz etemiz, - dedi Densaýlyq saqtaý ministri OKQ-da ótken brifingide.
Ministrdiń aitýynsha, balalarǵa ekpe salý ata-ananyń tańdaýy boiynsha erikti júrgiziledi.
Balalarǵa arnalǵan Pfizer vaktsinasyna keletin bolsaq, ondai jaǵdai týyndasa, balalarǵa vaktsina tek ata-anasynyń kelisimi boiynsha salynady, - dedi ol.
Jýrnalister suraqty taǵy naqtylai tústi: Mektep barý úshin balalarǵa mindetti vaktsinalaý engiziledi me?
Taǵy da qaitalap aitamyn, bizde ekpe tek ata-ananyń kelisimi boiynsha salynady, - dedi Tsoi.
Ministrlik málimetinshe jyl basynan beri 34 myń bala koronavirýs infektsiiasyn juqtyrǵan. Qazir 558 bala statsionarda em alyp jatyr, 13 jańa týǵan náreste koronavirýs infektsiiasyna bailanysty baqylaýǵa alynǵan.
Osy sharada Densaýlyq saqtaý vitse-ministri Ajar Ǵinaiat balalardyń koronavirýs infektsiiasyna jii shaldyǵa bastaǵanyn atap ótti.
"Aýyr halde tórt bala jatyr: Nur-Sultan, Aqmola, Qyzylorda jáne Jambyl oblystarynda. Olardyń jaǵdaiy muqiiat baqylaýǵa alynǵan", - dedi Ajar Ǵinaiat.
Jyl basynan beri balalar arasynda eki ólim tirkeldi: Soltústik Qazaqstan oblysynda jáne Nur-Sultan qalasynda.
