Densaýlyq saqtaý ministrligi balalarǵa baǵyttalǵan fastfýd, tátti sýsyndar jáne quramynda qant, tuz ben qanyqqan mai mólsheri joǵary basqa da ónimderdiń jarnamasyn shekteý boiynsha zańnamalyq usynystar ázirledi, dep habarlaidy dalanews.kz.
Buǵan deiin Memleket basshysy Úkimetke fastfýdtyń agressivti jarnamasy máselesin qarastyrýdy tapsyrǵan bolatyn. Azyq-túlik ónimderiniń jarnamasy balalar men jasóspirimderge aitarlyqtai áser etedi. Olar jarqyn qaptamaǵa, áleýmettik jelilerdegi blogerlerdiń jarnamasyna jáne basqa da marketing quraldaryna beiim keledi.
"Ministrlik quramynda tuz, qant, qanyqqan jáne transmai mólsheri joǵary ónimderdiń jarnamasyn tele, radioarnalarda, áleýmettik jelilerde, syrtqy jarnama quraldarynda shekteý boiynsha zańnamaǵa ózgerister engizý jóninde usynystar ázirledi", - dedi Densaýlyq saqtaý ministrligi Meditsinalyq kómekti uiymdastyrý departamentiniń direktory Gúlnár Sársembaeva.
Zertteý deregine sáikes 6-9 jas aralyǵyndaǵy balalardyń 23 paiyzynda artyq dene salmaǵy bar, al 6 paiyzy semizdikke shaldyqqan. Sonymen qatar, jasóspirimderdiń 17,5 paiyzy energetikalyq sýsyndardy apta saiyn tutynady.
