Balalardyń demalys jáne beiimdeý ortalyqtary akseleratsiiadan ótti
«Ózgeristerdiń sarýarlary» jobasynyń birinshi jylynyń qorytyndysy boiynsha 120 jobanyń ishinen 20 úzdik áleýmettik bastama irikteldi. Akseleratsiia barysynda jobalar óz tájiribelerin aimaqtarǵa keńeitý úshin saraptamalyq qoldaý aldy.
Solardyń biri – «Otbasylyq aýla klýby». «Zamandas 21» qoǵamdyq qory júzege asyratyn bul jobanyń arqasynda otbasyn qoldaý, balalar men ata-analardy tartý arqyly balalardyń bos ýaqytyn tiimdi ótkizýge bailanysty keshendi jumystar júrgizilgen.
Qor jetekshileriniń aitýynsha, mundai joba búginde elimizde bireý-aq. Iaǵni, shyǵarmashylyq, tehnikalyq úiirmelerde, sport sektsiialarynda jáne tildik kýrstar ár balaǵa qoljetimdi. Sondai-aq, qorda ata-analarǵa arnalǵan «Baqytty otbasy» klýby, balalarǵa arnalǵan «Jas kóshbasshy» psihologiialyq-túzetý toby jáne jasóspirimderge arnalǵan klýbtar bar.
«Zamandas 21» qoǵamdyq qorynyń jetekshisi Lázzat Alshynovanyń aitýynsha, áleýmettik jobalar akseleratsiiasy olarǵa joba modelin odan ári jaqsartýǵa múmkindik bergen.
– Biz masshtabtaý jaǵdaiynda jobany kezeń-kezeńimen engizý algoritmin egjei-tegjeili pysyqtadyq. Ásirese komandany oqytý paidaly boldy. Bolashaqtaǵy josparlarymyz ózgergen joq. Iaǵni, respýblika kóleminde damyp, óńirlerge shyǵýdy kózdeimiz, – dep atap ótti Lázzat Alshynova.
Ázirge joba Nur-Sultanda ǵana júzege asyrylyp otyr. Biraq kelesi jyly qosymsha eki klýb ashý josparlanýda. Respýblika boiynsha jeti otbasylyq aýla klýby jumys isteitin bolady. Bul turǵyda Atyraý, Almaty jáne Qaraǵandy qalalarynda qyzyǵýshylyq tanytqan.
Akseleratsiia baǵdarlamasynyń taǵy bir jobasy – «Salamatty bolashaq». Jobany «Samruk-Kazyna Trust» áleýmettik jobalardy damytý qorynyń aiasyndaǵy «Teń múmkindikter álemi» qoǵamdyq qory bjúzege asyryp otyr.
Olar dene shynyqtyrý jáne sport arqyly múgedek balalardy áleýmettik ońaltýmen ainalysady. Osy oraida 2016 jyldan bastap Nur-sultan qalasynda inkliýzivti jáne beiimdeletin áleýmettik sektsiialar jelisi uiymdastyryldy. Jobanyń arqasynda 2020 jyly elimizdiń 9 qalasynda 560 bala sporttyń 10 túri boiynsha jyl boiy jattyǵýlar ótkizdi.
«Teń múmkindikter álemi» qorynyń direktory Nurgúl Uljekovanyń sózine súiensek, akseleratsiia baǵdarlamasynan ótý nátijesinde joba komandasy fandraizing, áleýmettik jeliler úshin kontent-jospar qurý, áleýmettik kásipkerlik, jobalyq menedjment, turaqtylyqty qamtamasyz etý, kompaniianyń bedelin basqarý jáne BAQ-pen jumys máseleleri boiynsha bilimderin jetildirgen eken.
– Jobany aimaqtarǵa keńeitý úshin bizge quqyqtyq máseleler boiynsha sarapshylardyń keńesi qajet boldy. Óitkeni, respýblikalyq masshtabqa ótý úshin biz qoǵamdyq birlestikti qoǵamdyq qor retinde qaita qurýymyz qajet. Sondai-aq, akseleratsiia barysynda jobany basqarý, CRM júiesin engizý jáne franchaizing máseleleri boiynsha da bilimderimizdi keńeittik, – dedi óz kezeginde Uljekova.
Kelesi jyly Aqtaý qalasynda múgedek balalarǵa arnalǵan sport sektsiialary ashylady jáne CRM júiesin ázirleýdiń arqasynda «Rýhani jańǵyrý» qazaqstandyq qoǵamdyq damý institýtymen birlesip jobany basqarý úshin innovatsiialyq tehnologiialar engiziledi dep josparlanýda.
Anyqtama: jyl basynda «Rýhani jańǵyrý» qazaqstandyq qoǵamdyq damý institýtynyń bazasynda «Ózgeristiń sarýarlary» áleýmettik jobalardy qoldaý baǵdarlamasy qolǵa alynyp, oǵan qatysý úshin arnaiy konkýrs ótkizildi. Oǵan 120 jobadan ótinish tústi. Olardyń 46-sy úsh ailyq qysqa merzimdi akseleratsiiadan ótip, 39-y sertifikattarǵa ie boldy. Sonyń ishinde 20 joba óńirlerge masshtabtalýǵa iriktelip, akseleratsiianyń tolyq baǵdarlamasynan ótti. Aita keteiik, 20 jobanyń beseýi bilim berý, 5-i mádeniet, 8 joba inkliýziia jáne ekeýi ekologiia baǵytyndaǵy joba.
