Qazaqstandaǵy balalar pediatriiasynyń negizin qalaýshy, akademik Kamal Ormantaev ómirden ótti. Aqparatty Asfendiiarov atyndaǵy QazUMÝ baspasóz qyzmeti rastady, - dep habarlaidy Dalanews.kz.
Akademiktiń qazasyn uly Jaras Ormantaev jetkizdi.
"Búgin túnde ardaqty ákem, Qazaqstandaǵy balalar hirýrgiiasynyń negizin qalaýshy, akademik Kamal Ormantaev ómirden ótti", - dep jazdy Jaras Ormantaev Facebook paraqshasynda.
Kamal Ormantaev - Qazaqstandaǵy balalar hirýrgiiasy, pediatriiasy, travmatologiiasy jáne anesteziologiiasynyń negizin qalaýshy. Ol 20 myńǵa jýyq ota jasaǵan.
Kamal Ormantaev 1936 jyly 11 qyrkúiekte Qyzylorda oblysynda dúniege kelgen. 1953 jyly Almaty memlekettik meditsina institýtynyń pediatriia fakýltetine oqýǵa túsken. 1959 jyly balalar hirýrgiiasy kafedrasynyń klinikalyq rezidentýrasyna tústi.
1961 jyly klinikalyq rezidentýrany, 1965 jyly aýrýhanalyq hirýrgiia kafedrasynyń aspirantýrasyn bitirip, kandidattyq dissertatsiiasyn qorǵap, eńbek jolyn balalar hirýrgiiasy kafedrasynyń assistenti retinde bastaǵan. 32 jasynda Almaty meditsina institýtynyń balalar hirýrgiiasy kafedrasyn basqardy.
Kamal Ormantaev 1968 jyldan 2012 jylǵa deiin balalar hirýrgiiasy kafedrasynyń meńgerýshisi boldy.
Ol - 320-dan asa ǵylymi eńbektiń avtory.
