Týrızm jáne sport mınıstrligi balalar men jasóspirimder sport mektepterine jan basyna shaqqandaǵy normatıvtik qarjylandyrý júıesin engizýdi kózdeıtin zań jobasyn ázirledi, dep habarlaıdy Dalanews.kz
Jan basyna shaqqandaǵy qarjylandyrýǵa kóshý balalar men jasóspirimder sportynyń materıaldyq-tehnıkalyq qamtamasyz etý deńgeıin arttyrady. Máselen balalar men jasóspirimder sport mektepterinde bir sportshyǵa jylyna orta eseppen 415 myń teńge bólinedi. Qazirgi smetalyq qarjylandyrý kezinde bul kórsetkish orta eseppen 233 myń teńge bolady.
Aıta keteıik, qazir Týrızm jáne sport mınıstrligi - smetalyq qarjylandyrý júıesin qoldanyp otyrǵan jalǵyz memlekettik organ. Osyǵan baılanysty salany basqarýdyń tıimdiligin arttyrý maqsatynda jan basyna shaqqandaǵy qarjylandyrý júıesine aýyspaq.
Jobany iske asyrý jergilikti búdjetterden qosymsha qarajat bólýdi talap etedi. Bul shyǵyndar respýblıkalyq búdjettik komısıanyń sheshimimen qoldaý tapqan, al qajet qarajat jergilikti búdjetter esebinen bólinedi.
Jan basyna shaqqandaǵy normatıvtik qarjylandyrý elimizdegi balalar men jasóspirimder sport mektepterine 2026 jylǵy 1 qańtardan bastap engizildi.
