«Balaevaǵa 3 suraq» baǵdarlamasynyń kezekti shyǵarylymy «Rýhanı jańǵyrý» taqyrybyna arnalyp, Qazaqstan Respýblıkasynyń Aqparat jáne qoǵamdyq damý mınıstri Baǵdarlamanyń 4 jyldyq qorytyndysyn, qundylyqtaryn aıtyp ótti dep habarlaıdy Dalanews.kz.
Nazarlaryńyzǵa Aıda Ǵalymqyzynyń «Balaevaǵa 3 suraq» baǵdarlamasyna bergen suhbatynyń qysqasha úzindisin usynamyz.
«Rýhanı jańǵyrý» baǵdarlamasyn bir jyldyq, bes jyldyq dep kezeńge bólýge bolmaıdy. Bul keshendi túrde turaqty júzege asýy tıis baǵdarlama. Onyń nátıjesi sanmen ólshenbeıdi, sapaly bolýy tıis.
Eń bastysy, Baǵdarlamanyń mánin jáne mazmunyn túsiný kerek. Munyń negizi, ár adamnyń básekege qabilettiliginde jatyr. Básekege qabiletti adam básekege qabiletti qoǵamdy quraıdy. Mine, «Rýhanı jańǵyrý» baǵdarlamasynyń negizgi qundylyǵy osyda.
Prezıdentimizdiń únemi aıtyp júrgenindeı, biz pragmatızmdi boıymyzǵa sińirýimiz kerek. Iaǵnı, kól-kósir merekelerden, ulan-asyr toılardan bas tartýymyz qajet.
«Rýhanı jańǵyrý» baǵdarlamasynyń aralyq jetistikteri týraly aıtqanda, munda sandyq kórsetkishterge súıenýdiń qajeti joq. Eń bastysy – bizdiń sana-sezimimizdiń ózgergeni, qoǵamnyń turaqty sapaly damýy. Munda ár qazaqstannyń úlesi zor.
«Qazaqstannyń 100 jańa esimi» jobasy Qazaqstannyń Táýelsizdigin nyǵaıtýǵa úlken úlesin qosyp jatqan azamattardy kórsetý. Biz sol jobanyń tórtinshi kezeńine jol ashtyq. Óziniń eńbegimen, tabandylyǵymen jetistikke jetip, Qazaqstannyń abyroıyn asqaqtatyp júrgen zamandastarymyzdy halyqqa tanytýymyz kerek.
Latyn álipbıi tilimizdi jańǵyrtý úshin óte mańyzdy. Álemdegi 7 mlrd halyqtyń 4 mıllıardy latyn álipbıin paıdalanady. Bul tilimizdi ǵylymda jáne basqa salalarda álemge tanytý úshin jaqsy múmkindik.
Qazaqty basqa ulttan aıryqsha etetin basty qundylyqtarymyz – ana tilimiz, dástúrimiz, dinimiz ben dilimiz. Osylardy saqtasaq, biz ult retinde damımyz. Munyń barlyǵy otbasydan bastalady.
Suhbattyń tolyq nusqasy:
https://www.youtube.com/watch?v=sMY_r4i0ArY
0:10 – Suhbattyń qysqasha andatpasy
1:05 – «Rýhanı jańǵyrý» baǵdarlamasynyń iske asýy, oryndalýy jaıly.
4:38 – Baǵdarlamanyń túsindirý jumystary týraly
5:51 – «Rýhanı jańǵyrý» baǵdarlamasynyń aralyq nátıjeleri.
14:07 – Latyn álipbıine kóshý máselesi.
16:35 – Ulttyq biregeıligimizdi saqtaý týraly.
