«بالايەۆاعا 3 سۇراق» باعدارلاماسىنىڭ كەزەكتى شىعارىلىمى «رۋحاني جاڭعىرۋ» تاقىرىبىنا ارنالىپ، قازاقستان رەسپۋبليكاسىنىڭ اقپارات جانە قوعامدىق دامۋ ءمينيسترى باعدارلامانىڭ 4 جىلدىق قورىتىندىسىن، قۇندىلىقتارىن ايتىپ ءوتتى دەپ حابارلايدى Dalanews.kz.
نازارلارىڭىزعا ايدا عالىم قىزىنىڭ «بالايەۆاعا 3 سۇراق» باعدارلاماسىنا بەرگەن سۇحباتىنىڭ قىسقاشا ءۇزىندىسىن ۇسىنامىز.
«رۋحاني جاڭعىرۋ» باعدارلاماسىن ءبىر جىلدىق، بەس جىلدىق دەپ كەزەڭگە بولۋگە بولمايدى. بۇل كەشەندى تۇردە تۇراقتى جۇزەگە اسۋى ءتيىس باعدارلاما. ونىڭ ناتيجەسى سانمەن ولشەنبەيدى، ساپالى بولۋى ءتيىس.
ەڭ باستىسى، باعدارلامانىڭ ءمانىن جانە مازمۇنىن ءتۇسىنۋ كەرەك. مۇنىڭ نەگىزى، ءار ادامنىڭ باسەكەگە قابىلەتتىلىگىندە جاتىر. باسەكەگە قابىلەتتى ادام باسەكەگە قابىلەتتى قوعامدى قۇرايدى. مىنە، «رۋحاني جاڭعىرۋ» باعدارلاماسىنىڭ نەگىزگى قۇندىلىعى وسىدا.
پرەزيدەنتىمىزدىڭ ۇنەمى ايتىپ جۇرگەنىندەي، ءبىز پراگماتيزمدى بويىمىزعا ءسىڭىرۋىمىز كەرەك. ياعني، كول-كوسىر مەرەكەلەردەن، ۇلان-اسىر تويلاردان باس تارتۋىمىز قاجەت.
«رۋحاني جاڭعىرۋ» باعدارلاماسىنىڭ ارالىق جەتىستىكتەرى تۋرالى ايتقاندا، مۇندا ساندىق كورسەتكىشتەرگە سۇيەنۋدىڭ قاجەتى جوق. ەڭ باستىسى – ءبىزدىڭ سانا-سەزىمىمىزدىڭ وزگەرگەنى، قوعامنىڭ تۇراقتى ساپالى دامۋى. مۇندا ءار قازاقستاننىڭ ۇلەسى زور.
«قازاقستاننىڭ 100 جاڭا ەسىمى» جوباسى قازاقستاننىڭ تاۋەلسىزدىگىن نىعايتۋعا ۇلكەن ۇلەسىن قوسىپ جاتقان ازاماتتاردى كورسەتۋ. ءبىز سول جوبانىڭ ءتورتىنشى كەزەڭىنە جول اشتىق. ءوزىنىڭ ەڭبەگىمەن، تاباندىلىعىمەن جەتىستىككە جەتىپ، قازاقستاننىڭ ابىرويىن اسقاقتاتىپ جۇرگەن زامانداستارىمىزدى حالىققا تانىتۋىمىز كەرەك.
لاتىن ءالىپبيى ءتىلىمىزدى جاڭعىرتۋ ءۇشىن وتە ماڭىزدى. الەمدەگى 7 ملرد حالىقتىڭ 4 ميللياردى لاتىن ءالىپبيىن پايدالانادى. بۇل ءتىلىمىزدى عىلىمدا جانە باسقا سالالاردا الەمگە تانىتۋ ءۇشىن جاقسى مۇمكىندىك.
قازاقتى باسقا ۇلتتان ايرىقشا ەتەتىن باستى قۇندىلىقتارىمىز – انا ءتىلىمىز، ءداستۇرىمىز، ءدىنىمىز بەن ءدىلىمىز. وسىلاردى ساقتاساق، ءبىز ۇلت رەتىندە داميمىز. مۇنىڭ بارلىعى وتباسىدان باستالادى.
سۇحباتتىڭ تولىق نۇسقاسى:
https://www.youtube.com/watch؟v=sMY_r4i0ArY
0:10 – سۇحباتتىڭ قىسقاشا انداتپاسى
1:05 – «رۋحاني جاڭعىرۋ» باعدارلاماسىنىڭ ىسكە اسۋى، ورىندالۋى جايلى.
4:38 – باعدارلامانىڭ ءتۇسىندىرۋ جۇمىستارى تۋرالى
5:51 – «رۋحاني جاڭعىرۋ» باعدارلاماسىنىڭ ارالىق ناتيجەلەرى.
14:07 – لاتىن الىپبيىنە كوشۋ ماسەلەسى.
16:35 – ۇلتتىق بىرەگەيلىگىمىزدى ساقتاۋ تۋرالى.
