Memleket basshysy Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» Joldaýyn iske asyrý aıasynda Aqparat jáne qoǵamdyq damý mınıstri Aıda Balaeva jumys saparymen Batys Qazaqstan oblysyna bardy, – dep habarlaıdy Dalanews.kz.

Ákimdik aktıvimen kezdesýde mınıstr memleket pen qoǵamnyń damýy ortalyq memlekettik jáne jergilikti atqarýshy organdardyń azamattyq qoǵammen, ǵylymı jáne shyǵarmashylyq ıntellıgensıamen, jastarmen tıimdi ózara is-qımylyna tikeleı baılanysty ekenin atap ótti.

Sonymen qatar, Aıda Balaeva mınıstrlik pen oblys ákimdiginiń birlesken jumysynyń negizgi baǵyttaryna basa nazar aýdaryp, óńirdiń qoǵamdyq-saıası jaǵdaıy salasyndaǵy ózekti máselelerdi atap ótip, jumysty odan ári jalǵastyrý boıynsha usynystar berdi.

Sapar baǵdarlamasynyń mańyzdy bóligi mınıstrdiń oblys Qoǵamdyq keńesiniń múshelerimen jáne shyǵarmashylyq zıaly qaýym ókilderimen kezdesýleri boldy. Atalǵan kezdesýler barysynda aǵymdaǵy jyldyń qańtar aıynda «Qoǵamdyq keńester týraly» Zańǵa engizilgen zańnamalyq túzetýlerdi iske asyrý, sondaı-aq «Rýhanı jańǵyrý» baǵdarlamasynyń jol kartasyn iske asyrý sıaqty mańyzdy máseleler talqylandy.

Sonymen qatar, jumys sapary aıasynda Aıda Balaeva oblystyń belsendi jastarymen kezdesip, Mahambet ýnıversıtetiniń, Oqýshylar saraıynyń jumysymen tanysyp, «Atameken» óner ordasynyń» saltanatty ashylýyna qatysty.