اكىمدىك اكتيۆىمەن كەزدەسۋدە مينيستر مەملەكەت پەن قوعامنىڭ دامۋى ورتالىق مەملەكەتتىك جانە جەرگىلىكتى اتقارۋشى ورگانداردىڭ ازاماتتىق قوعاممەن، عىلىمي جانە شىعارماشىلىق ينتەلليگەنسيامەن، جاستارمەن ءتيىمدى ءوزارا ءىس-قيمىلىنا تىكەلەي بايلانىستى ەكەنىن اتاپ ءوتتى.
سونىمەن قاتار، ايدا بالايەۆا مينيسترلىك پەن وبلىس اكىمدىگىنىڭ بىرلەسكەن جۇمىسىنىڭ نەگىزگى باعىتتارىنا باسا نازار اۋدارىپ، ءوڭىردىڭ قوعامدىق-ساياسي جاعدايى سالاسىنداعى وزەكتى ماسەلەلەردى اتاپ ءوتىپ، جۇمىستى ودان ءارى جالعاستىرۋ بويىنشا ۇسىنىستار بەردى.
ساپار باعدارلاماسىنىڭ ماڭىزدى بولىگى ءمينيستردىڭ وبلىس قوعامدىق كەڭەسىنىڭ مۇشەلەرىمەن جانە شىعارماشىلىق زيالى قاۋىم وكىلدەرىمەن كەزدەسۋلەرى بولدى. اتالعان كەزدەسۋلەر بارىسىندا اعىمداعى جىلدىڭ قاڭتار ايىندا «قوعامدىق كەڭەستەر تۋرالى» زاڭعا ەنگىزىلگەن زاڭنامالىق تۇزەتۋلەردى ىسكە اسىرۋ، سونداي-اق «رۋحاني جاڭعىرۋ» باعدارلاماسىنىڭ جول كارتاسىن ىسكە اسىرۋ سياقتى ماڭىزدى ماسەلەلەر تالقىلاندى.
سونىمەن قاتار، جۇمىس ساپارى اياسىندا ايدا بالايەۆا وبلىستىڭ بەلسەندى جاستارىمەن كەزدەسىپ، ماحامبەت ۋنيۆەرسيتەتىنىڭ، وقۋشىلار سارايىنىڭ جۇمىسىمەن تانىسىپ، «اتامەكەن» ونەر ورداسىنىڭ» سالتاناتتى اشىلۋىنا قاتىستى.
