Abai oblysynda balabaqsha qyzmetkerleriniń jeke málimetteriniń taralý faktisi anyqtaldy, dep habarlaidy dalanews.kz.
Kýrchatov qalasynyń prokýratýrasy memlekettik satyp alý salasyna júrgizilgen taldaý barysynda qaladaǵy balabaqshalardyń birinde 75 qyzmetkerdiń derekteriniń ashyq qoljetimdilikke shyǵyp ketkenin anyqtaǵan.
Prokýratýra málimetinshe, bilim berý mekemesi qyzmetkerlerdi merzimdik meditsinalyq tekserýden ótkizý boiynsha konkýrs jariialaý kezinde qyzmetkerler tizimin ashyq ornalastyrǵan.
Qujat ishinde qyzmetkerlerdiń tolyq anketalyq málimetteri, jeke sáikestendirý nómirleri jáne basqa da qupiia aqparattar bolǵan.
Qadaǵalaý organy mekeme basshylyǵy tarapynan talaptardyń saqtalmaýy jeke aqparattardyń zańsyz maqsatta qoldanylý qaýpin týdyrǵanyn atap ótti.
Prokýratýra aralasqannan keiin anyqtalǵan zań buzýshylyqtar joiylǵan.
Kináli laýazymdy tulǵa ÁQBtK 79-babynyń 2-bóligi boiynsha ákimshilik jaýapkershilikke tartylyp, oǵan 432 500 teńge kóleminde aiyppul salynǵan.
Prokýratýra azamattardyń quqyqtary men zańdy múddelerin qorǵaý jumystary jalǵasatynyn málimdedi.
