Bakievter Lýkashenkoǵa para retinde Mercedes-Maybach pen Harley-Davidson mototsiklin bergen
3 jeltoqsanda jariialanǵan jartty saǵattyq video-zertteý avtorlarynyń aitýynsha, Qurmanbek Bakievtiń uly Maksim Bakievtiń áieli Aijan Kenenbaeva Lýkashenkoǵa para bergender tiziminde ekinshi orynda tur.
Zertteýde aitylǵandai, Bishkektiń ekstraditsiia týraly talabynan resmi túrde bas tartý úshin Lýkashenkoǵa qymbat kólik jáne mototsikl Aijan Kenenbaeva arqyly berilgen.
Kólik jáne ushaqtardy jinaýdy jaqsy kóretin Lýkashenkoǵa Kenenbaeva arqyly 1,4 mln eýrolyq Mercedes-Maybach S600 Pullman Guard kóligi jáne 26,5 myń dollarlyq Harley-Davidson mototsikli tartý etilgen. Budan bólek de baǵaly syilyqtar berilgen bolýy múmkindigi aitylǵan.
BYPOL 2020 jyldyń qazan aiynda qurylǵan. Onyń quramyna Belarýsta zańdylyqty jáne tártipti qalpyna keltirýge umtylǵan kúsh qyzmetkerleri kirgen. Biyl qarasha aiynda belarýs biligi bul uiymdy "ekstremistik uiym" dep jariialap, múshelerine qarsy tergeý bastaǵan.
2010 jyldyń 7 sáýirinde Qyrǵyzstanda 87 adamnyń ómiri qiylǵan halyq tolqýynan keiin Qurmanbek Bakiev biligi qulatyldy. Ol jaqyndarymen shetelge qashyp, ózi otbasymen Belarýsta turyp jatyr. Bas prokýratýra málimeti boiynsha, Bakievke qarsy onshaqty fakt boiynsha qylmystyq is qozǵalyp, syrtynan 30 jylǵa bas bostandyǵynan aiyrylǵan.
