Baǵany udaiy baqylaýda ustaimyz. Kásipkerlermen 400-den asa memorandým jasaldy - Semei ákimi
Onyń atap ótkenindei bólshek saýda kásiporyndarymen áleýmettik mańyzy bar azyq-túlik taýarlaryna 10 paiyzdan aspaityn ústemesin qoldaný boiynsha 408 memorandým jasalǵan.
Áleýmettik mańyzy bar azyq-túlik taýarlaryna baǵalardy turaqtandyrý tetigi sheńberinde «Ertis» «Áleýmettik-kásipkerlik korporatsiiasy» AQ-nyń 10 saýda pavilonynda jáne ÁKK saýda pavilondary joq jerlerde ornalasqan bólshek saýda kásiporyndarynda (20 memorandým jasaldy) turaqtandyrý qorynyń ónimderi belgilengen baǵalar boiynsha saýda ústemesinsiz satylýda.
2021-2022 j.j. maýsymaralyq kezeńge Semei qalasy úshin óńirlik turaqtandyrý qoryna «Ertis «ÁKK» AQ 2021 jylǵy egin ónimderin 3100 tonna kóleminde satyp alyp, iske asyrýda, onyń ishinde kartop – 1500 tonna, ótken jylmen salystyrǵanda kólemi 50% – ǵa artty, qyryqqabat – 450 tonna, sábiz – 400 tonna, piiaz - 750 tonna.
«Ertis» ÁKK» AQ-na jemis-kókónis ónimderin satatyn pavilondardy ornatý jáne ornalastyrý úshin qalanyń ártúrli aýdandarynda qosymsha 9 jer ýchaskesi bólindi (Qazirgi ýaqytta pavilondar daiyndaý jumystary júrgizilýde).
Búgingi kúni Semei qalasynyń ákimdigi men tamaq ónerkásibi kásiporyndarynyń basshylary arasynda un, nan jáne taýarlyq jumyrtqa óndiretin «Semei-Elita 2» JShS, «Ai-Ar» JShS, «Semnan» JShS, «SemeiQus» JShS siiaqty kásiporyndarmen azyq-túlik ónimderine baǵanyń negizsiz ósýine jol bermeý maqsatynda ózara yntymaqtastyq týraly memorandýmdarǵa qol qoiyldy.
Baǵany turaqtandyrý maqsatynda «SemeiQus» JShS ónimderi aǵymdaǵy jyldyń ishinde óńirdiń turaqtandyrý qoryna 33 teńgeden jetkiziletin bolady. Ainalym qarajatyn tolyqtyrý úshin kásiporynǵa «QazAgroQarjy» AQ arqyly jeńildetilgen nesie túrinde memlekettik qoldaý kórsetildi.
Turaqty túrde, apta saiyn demalys kúnderi «Severnyi» saýda logistikalyq ortalyǵy jáne «Jolaman» kóterme-taratý ortalyǵynda aýyl sharýashylyǵy jármeńkeleri ótkiziledi, onda jergilikti aýyl sharýashylyq taýar óndirýshileri úshin jeńildikpen 40 saýda oryndary usynylady.
"Qazaqstan Respýblikasynyń Prezidenti Qasym-Jomart Kemeluly Toqaevtyń tapsyrmasymen «Jolaman» kóterme-taratý ortalyǵynyń qurylysy» jobasy júzege asyryldy. Jobanyń birinshi kezeńi aiasynda 7,0 myń tonna kartop pen kókónis ónimderin saqtaityn aýdany 7,5 myń sharshy metr qoima úi-jailary salyndy. Investitsiia kólemi 2,5 mlrd.teńge", – dedi qala basshysy.
Búgingi tańda «Jolaman» kóterme-taratý ortalyǵy men «Severnyi» saýda-logistikalyq ortalyǵynda 410 tonna kartop, 235 tonna sábiz jáne 120 tonna qyryqqabat saqtaýǵa qoiyldy.
Sonymen qatar, aýyl sharýashylyǵy qurylymdary men jeke qosalqy sharýashylyqtarynda 100 tonna kartop jáne 160 tonna kókónis saqtaýly.
Baǵany ustap turý boiynsha jumystar turaqty baqylaýda bolady.
