Túrkistan oblysy basshysy azyq-túlik taýarlarynyń baǵasyn negizsiz ósirý faktileriniń jolyn kesýdi tapsyrdy. Satylymdaǵy árbir taýar boiynsha jaǵdaidy kúndelikti baqylaýda ustap otyrý kerek. Baǵany turaqtandyrý baǵytynda júieli jumystardy jalǵastyryp, azyq-túlik qoryn ulǵaitýdy júktedi.
Oblys ákiminiń tóraǵalyǵymen ótken aptalyq apparat otyrysynda jaýapty basqarma basshylary áleýmettik mańyzy bar azyq-túlik ónimderi baǵalarynyń ósýin boldyrmaýda qoldanylyp jatqan sharalar týraly keńinen toqtaldy.
– Baǵa turaqtandyrý ahýalyn baiypty túrde baqylaýda ustaý, onyń negizsiz kóterilip, beibereket ketýine tosqaýyl qoiý asa mańyzdy. Bul jumystardy udaiy nazarda ustap, týyndaǵan jaǵdailarǵa qatysty jedel sharalar kórilý kerek. Ony qaitalap aita berýdiń ózi artyq. Monitoring júrgizýmen shektelmei, naqty nátije kórsetińizder, – dedi oblys ákimi.
Mindettemelerdiń saqtalýyna ákimdik tarapynan turaqty monitoringtik baqylaýlar júrgizilýde. Nátijesinde saýda ústemesiniń shekti mólsherin asyrý, básekelestikti qorǵaý salasyndaǵy zańnamanyń buzylýy boiynsha naryq sýbektilerine qatysty sharalar qabyldanyp, azyq-túlik taýarlarynyń baǵalary 7-10 paiyzǵa tómendetilgen.
