QR Prezidentiniń Baspasóz hatshysy Rýslan Jeldibai óziniń Telegram kanalynda Almaty qalasyndaǵy «Baǵanashyl» balalar úiiniń tárbielenýshileri Almatydan Qonaev qalasyna kóshirilmeitinin, buǵan bailanysty Prezident Ákimshiligi qyzmettik tekseris júrgizetinin alǵa tartty.
– «Baǵanashyl» balalar úiiniń tárbielenýshilerin Almatydan Qonaev qalasyna kóshirýge bailanysty jaǵdaimen tanysqan Qasym-Jomart Toqaev Almaty qalasynyń ákimi Darhan Satybaldyǵa oqýshylardyń ońtústik astanada bilim alýyn jalǵastyrý úshin balalar úiine jóndeý jumystaryn júrgizýdi jáne atalǵan nysandy qalanyń balansyna alýdy tapsyrdy.
Memleket basshysynyń tapsyrmasyna sáikes, balalar úii kóshirilmeidi.
Atalǵan jaǵdaiǵa bailanysty Prezident Ákimshiligi qyzmettik tekseris júrgizedi.
Ata-anasynyń qamqorlyǵynsyz qalǵan balalardyń zań sheńberindegi barlyq quqyǵy tolyq saqtalady, – dep jazba qaldyrda Rýslan Jeldibai óziniń Telegram kanalynda.
