Babanov vs Jeenbekov
Tóńkeristiń túr-túrin bastan keshken aiyrqalpaqty aǵaiynǵa endi ózgelermen arazdastyratyn emes, tatýlastyratyn basshy kerek. Ony turǵyndardyń əńgime aýanynan baiqadyq. Kandidattar da kóshedegi jarnamalarynda negizinen birlikke bastaityn sózder jazǵan.
Bul sailaýda baǵyn synamaqtar biraz bolǵanmen, tańdaý sýyrylyp shyqqan eki úmitkerdiń bireýine túsetinin qazir bəri biledi. Biri, buryn úkimetti basqarǵan Sooranbai Jeenbekov. Sotsial demokratiliaq partiiasynyń ókili. Ony Atambaev baptap, bəigege qosqan, sondyqtan bilikke kelse sonyń soiylyn soǵady dep jazylyp ta, aitylyp júr.
Ekinshisi de eks-premer. Ómirbek Babanov shartty túrde Qyrǵyzstan oppozitsiiasynyń ókili sanalady. Shartty deitinimiz, munda əli kúnge oppozitsiia biriktirilmegen.
Babanov bilikke kelse, aldymen saiasi qylmystyq toptardyń kózin qurtyp, qyzmet satýdy toqtatyp, jemqorlyqtyń tamyryna balta shabýdy kózdeitinin ashyq aityp otyr. Al, Qyrǵyzstannyń aldaǵy on jylda Qazaqstandai damyǵanyn kórgisi keletinin KTK arnasynan bergen suhbatynda aitypty.
– Biz Qazaqstan siiaqty úlken ambitsiialy maqsattardy qoiý kerekpiz. Alty jyldyń ishinde meniń jalǵyz mekenim Qyrǵyzstan tez ónip úlken memleketterdiń qataryna kirýi kerek. Qazaqstanda Reseide júrgen jerlesterimiz eline qaitý kerek, – deidi úmitker Ómirbek Babanov.
Jeenbekov te qarap qalyp jatqan joq. Túrli saiasi tehnologiialarǵa barýda. «Tynyshtyq kúniniń» aldynda utymdy jumys istep qalýǵa tyrysqany belgili.
Sarapshylar bul burynǵy sailaýdan ózgerek deidi. Óitkeni, eki qarsylastyń da qazir jeńiske jetýdegi múmkindikteri teń eken olardyń oiynsha. Babanovty negizinen jastar, kəsipkerler qoldaýy múmkin. Jeenbekov bolsa negizinen memlekettik qyzmetshilerge senim artyp otyr.
Degenmen, sen tur men ataiyn dep turǵan kandidattardyń bir birine degen juldyzy qarsy. Ony bertinde ótken ashyq teledebat kórsetti. Biraq, bastysy bilikke kim kelse de halyq múddesin qorǵaityn basshy qajet deidi sarapshylar. Osy taqyryp tóńireginde qyrǵyzstandyq saiasattanýshy Igor Shestakovtyń pikirin tyńdap kóreiik.
– Bul tarihi sailaý bolaiyn dep tur. Sońǵy sətke deiin kimniń aiqyn jeńiske jetetinin aitý qiyn. Jeenbekov pen Babanovtyń múmkindikteri birdei dep aitýǵa bolady. Osyǵan deiin jariialanǵan reiting, saýalnamalardyń bəri shyndyqqa janaspaidy. Burmalaýshylyq, jalǵan jala japqan aqparattar úgit nasihat kezinde taraǵany ras. Qos kandidattyń da jaqtaýshylary kóp. Qyrǵyzstan halqyna qazir tynyshtyq qymbat. Sondyqtan, bilikke kim kelse de halyqtyń múddesiien sanasýy tiis, – deidi saiasattanýshy.
Qyrǵyzstannyń endi sailanýy tiis jańa prezidentiniń Atambaevpen salystyrǵanda laýazymdyq artyqshylyqtary shekteledi. Byltyr elde konstitýtýtsiialyq reforma ótti. Endi premer ministrdiń jəne parlamenttiń basqarý koalitsiiasianyń ókilettigi nyǵaidy.
Derekkózi: KTK arnasy
