بابانوۆ vs جەەنبەكوۆ
تٶڭكەرٸستٸڭ تٷر-تٷرٸن باستان كەشكەن ايىرقالپاقتى اعايىنعا ەندٸ ٶزگەلەرمەن ارازداستىراتىن ەمەس, تاتۋلاستىراتىن باسشى كەرەك. ونى تۇرعىنداردىڭ əڭگٸمە اۋانىنان بايقادىق. كانديداتتار دا كٶشەدەگٸ جارنامالارىندا نەگٸزٸنەن بٸرلٸككە باستايتىن سٶزدەر جازعان.
بۇل سايلاۋدا باعىن سىناماقتار بٸراز بولعانمەن, تاڭداۋ سۋىرىلىپ شىققان ەكٸ ٷمٸتكەردٸڭ بٸرەۋٸنە تٷسەتٸنٸن قازٸر بəرٸ بٸلەدٸ. بٸرٸ, بۇرىن ٷكٸمەتتٸ باسقارعان سوورانباي جەەنبەكوۆ. سوتسيال دەموكراتيلياق پارتيياسىنىڭ ٶكٸلٸ. ونى اتامباەۆ باپتاپ, بəيگەگە قوسقان, سوندىقتان بيلٸككە كەلسە سونىڭ سويىلىن سوعادى دەپ جازىلىپ تا, ايتىلىپ جٷر.
ەكٸنشٸسٸ دە ەكس-پرەمەر. ٶمٸربەك بابانوۆ شارتتى تٷردە قىرعىزستان وپپوزيتسيياسىنىڭ ٶكٸلٸ سانالادى. شارتتى دەيتٸنٸمٸز, مۇندا əلٸ كٷنگە وپپوزيتسييا بٸرٸكتٸرٸلمەگەن.
بابانوۆ بيلٸككە كەلسە, الدىمەن ساياسي قىلمىستىق توپتاردىڭ كٶزٸن قۇرتىپ, قىزمەت ساتۋدى توقتاتىپ, جەمقورلىقتىڭ تامىرىنا بالتا شابۋدى كٶزدەيتٸنٸن اشىق ايتىپ وتىر. ال, قىرعىزستاننىڭ الداعى ون جىلدا قازاقستانداي دامىعانىن كٶرگٸسٸ كەلەتٸنٸن كتك ارناسىنان بەرگەن سۇحباتىندا ايتىپتى.
– بٸز قازاقستان سيياقتى ٷلكەن امبيتسييالى ماقساتتاردى قويۋ كەرەكپٸز. التى جىلدىڭ ٸشٸندە مەنٸڭ جالعىز مەكەنٸم قىرعىزستان تەز ٶنٸپ ٷلكەن مەملەكەتتەردٸڭ قاتارىنا كٸرۋٸ كەرەك. قازاقستاندا رەسەيدە جٷرگەن جەرلەستەرٸمٸز ەلٸنە قايتۋ كەرەك, – دەيدٸ ٷمٸتكەر ٶمٸربەك بابانوۆ.
جەەنبەكوۆ تە قاراپ قالىپ جاتقان جوق. تٷرلٸ ساياسي تەحنولوگييالارعا بارۋدا. «تىنىشتىق كٷنٸنٸڭ» الدىندا ۇتىمدى جۇمىس ٸستەپ قالۋعا تىرىسقانى بەلگٸلٸ.
ساراپشىلار بۇل بۇرىنعى سايلاۋدان ٶزگەرەك دەيدٸ. ٶيتكەنٸ, ەكٸ قارسىلاستىڭ دا قازٸر جەڭٸسكە جەتۋدەگٸ مٷمكٸندٸكتەرٸ تەڭ ەكەن ولاردىڭ ويىنشا. بابانوۆتى نەگٸزٸنەن جاستار, كəسٸپكەرلەر قولداۋى مٷمكٸن. جەەنبەكوۆ بولسا نەگٸزٸنەن مەملەكەتتٸك قىزمەتشٸلەرگە سەنٸم ارتىپ وتىر.
دەگەنمەن, سەن تۇر مەن اتايىن دەپ تۇرعان كانديداتتاردىڭ بٸر بٸرٸنە دەگەن جۇلدىزى قارسى. ونى بەرتٸندە ٶتكەن اشىق تەلەدەبات كٶرسەتتٸ. بٸراق, باستىسى بيلٸككە كٸم كەلسە دە حالىق مٷددەسٸن قورعايتىن باسشى قاجەت دەيدٸ ساراپشىلار. وسى تاقىرىپ تٶڭٸرەگٸندە قىرعىزستاندىق ساياساتتانۋشى يگور شەستاكوۆتىڭ پٸكٸرٸن تىڭداپ كٶرەيٸك.
– بۇل تاريحي سايلاۋ بولايىن دەپ تۇر. سوڭعى سəتكە دەيٸن كٸمنٸڭ ايقىن جەڭٸسكە جەتەتٸنٸن ايتۋ قيىن. جەەنبەكوۆ پەن بابانوۆتىڭ مٷمكٸندٸكتەرٸ بٸردەي دەپ ايتۋعا بولادى. وسىعان دەيٸن جارييالانعان رەيتينگ, ساۋالنامالاردىڭ بəرٸ شىندىققا جاناسپايدى. بۇرمالاۋشىلىق, جالعان جالا جاپقان اقپاراتتار ٷگٸت ناسيحات كەزٸندە تاراعانى راس. قوس كانديداتتىڭ دا جاقتاۋشىلارى كٶپ. قىرعىزستان حالقىنا قازٸر تىنىشتىق قىمبات. سوندىقتان, بيلٸككە كٸم كەلسە دە حالىقتىڭ مٷددەسٸيەن ساناسۋى تيٸس, – دەيدٸ ساياساتتانۋشى.
قىرعىزستاننىڭ ەندٸ سايلانۋى تيٸس جاڭا پرەزيدەنتٸنٸڭ اتامباەۆپەن سالىستىرعاندا لاۋازىمدىق ارتىقشىلىقتارى شەكتەلەدٸ. بىلتىر ەلدە كونستيتۋتۋتسييالىق رەفورما ٶتتٸ. ەندٸ پرەمەر مينيستردٸڭ جəنە پارلامەنتتٸڭ باسقارۋ كواليتسيياسيانىڭ ٶكٸلەتتٸگٸ نىعايدى.
دەرەككٶزٸ: كتك ارناسى
