Azattyq radiosynyń tv-prodiýseri Qasym Amanjol jýrnalist Nurseiit Jylqyshybaiǵa bergen suhbatynda redaktsiiaǵa jasalyp jatqan qysymdar týraly aitty, - dep habarlaidy Dalanews.kz.
Onyń sózinshe, qazir "Azattyq radiosyna" bilik tarapynan qysym bastalyp jatyr.
"Bizdiń 36 tilshimizge Syrtqy ister ministrligi akkreditatsiia berýden bas tartty. Birneshe sebep aitty. Biz sol boiynsha úlken jumystar bastap jatyrmyz. Aqparattyq naýqannyń ortasynda júrmiz. Sol sebepti de suhbat berýge kelistim", - deidi Qasym Amanjol.
Ol bilik tarapynan qysym ne sebepti bolýy múmkin ekenin de aitty.
"Azattyq" - halyqaralyq úlken mediakompaniia. Ol tek Qazaqstanda habar taratpaidy, ol álemniń 23 memleketinde 27 tilde habar taratady. Iaǵni qazaq tilinen basqa taǵy 26 tilde habar taratatyn úlken, iri halyqaralyq mediakompaniia. Ondai kompaniialar álemde barshylyq. Sonyń biri jáne júieli túrde Qazaqstanda táýelsiz qarajatpen, táýelsiz standartpen, halyqaralyq standartpen jumys istep jatqan jalǵyz, biregei kompaniiamyz. Osy ókildiktiń basshysy retinde jaýapkershilikti moinyma alyp aitamyn: bilik tek "Azattyqty" baspasóz quraly retinde jeke tirkeidi jáne jýrnalisterge jeke akkreditatsiia taǵy berýi tiis. Onsyz bizdiń jumys isteý múmkindigimiz shekteledi. Sol úshin biz eki jyl saiyn ár jýrnaliske "Qazaqstanda jumys isteýge múmkindigi bar" dep jeke akkreditatsiia alamyz. Bilik sońǵy eki jylda bizge akkreditatsiia berýdi toqtatty. Ishinara 1-2 ret qana bergeni boldy.
Osylaisha sońǵy 15 ret bergen ótinishimizdi "ignor" jasap, jaqynda 36 jýrnalisimizge "akkreditatsiia bermeimiz, sebebi sender akkreditatsiiasyz jumys istep kelgensińder "deidi. Biraq ózderi bermei qoiǵan kezde bizdiń jýrnalister jumys istep júrgenin "akkreditatsiiasyz jumys istedińder, sol úshin bermeimiz" dedi. Ekinshiden, jeltoqsanda "Azattyqqa" qatysty "jalǵan aqparat taratty" degen sot sheshimi shyqqan. Soǵan súienip "sender Qazaqstan zańyn buzdyńdar, jalǵan aqparat tarttyńdar" dep akkreditatsiia bermeimiz dedi. Osynyń kesirinen Qazaqstanda "Azattyq" qiyn jaǵdaida tur", - deidi Qasym Amanjol.
Qasym Amanjoldyń sózinshe, bul másele boiynsha bilikti Syrtqy ister ministrligi deńgeiinde sotqa berip, Qazaqstan biligine qarsy óz quqyǵyn talap etpek.
