«Azattyq radiosynyń» jaqtastary Qazaqstannyń memlekettik BAQ-taryn jabýdy talap etýde, dep habarlaidy Dalanews.kz.
Bul týraly "Kompromat Tsntralnaia Aziia" telegram arnasy jazdy.
AQSh prezidenti Donald Tramp federaldyq biýrokratiiany qysqartý týraly jarlyqqa qol qoidy. Bul qujat jeti federaldyq agenttikte qysqartýdy qarastyrady, onyń ishinde «Azat Eýropa/Azattyq radiosy» (RFE/RL) kiretin AQSh-tyń ǵalamdyq media agenttigi (USAGM) de bar. USAGM resmi saitynda habarlanǵandai, prezidenttiń jarlyǵyna bailanysty «Amerika daýysy» jáne «Azattyq radiosy» qyzmetkerleri aqyly demalysqa jiberiledi.
Reseide «Azattyq radiosy» qalaýsyz uiym dep tanylyp, shetel agentteri tizimine engizildi. Biraq Qazaqstan biligi ony mundai tizimge qosýdy ázirge josparlap otyrǵan joq. RFE/RL-diń Qazaqstandaǵy qyzmetiniń jetekshisi Torokýl Doorov «Azattyq radiosynyń» Qazaqstanda ázirge jumysyn jalǵastyratynyn málimdedi. Alaida bul media uiymnyń bolashaǵy belgisiz kúide qalyp otyr.
«AsiaToday» basylymy: «Tarihqa ketken “Amerika daýysy” men “Azattyq radiosyna” qarapaiym tyńdaýshylar emes, oppozitsiia ókilderi qaiǵyryp otyr. AQSh-tyń bul eki aqparat quralyna qarjylandyrýdy toqtatýynyń resmi sebebi – shyǵyndardy ońtailandyrý jáne syrtqy saiasattyń basymdyqtaryn qaita qaraý. Keibir kongress músheleriniń pikirinshe, bul medianyń formaty eskirgen, al olardyń qazirgi álemdegi róli aitarlyqtai tómendegen. Biraq basqa pikirler de bar. Bul nasihattyq BAQ jobalary uzaq ýaqyttan beri óz ornyn taba almaǵan oppozitsiialyq tulǵalar úshin tabys kózine ainalǵan. Bul jaǵdai Reseide de, Qazaqstanda da, Qyrǵyzstanda da jáne basqa elderde de baiqalady», – dep jazady.
Telegram-daǵy «Chemodan gossekretov» arnasy Qazaqstandaǵy RFE/RL qyzmetiniń («Azattyq radiosynyń») áleýmettik jelilerde belsendi túrde qorǵalyp jatqanyn atap ótti. Olardyń aitýynsha, negizinen bul bastamany buryn AQSh elshiliginiń granttarymen jumys istegender qoldap otyr.
«Osylaisha, amerikalyq qarjyǵa jumys isteitin BAQ-tyń jabylýyn belsendi túrde synaǵan adamdar dál sol qulshynyspen “Habar” jáne basqa da memlekettik mediany jabýdy talap etip jatyr. Bul adamdar úshin Qazaqstannyń ulttyq múddelerin qorǵaityn aqparattyq saiasattan góri amerikalyq nasihat mańyzdyraq bolyp shyqty», – dep jazady arna avtorlary.
Olardyń pikirinshe, jalpy alǵanda, Qazaqstandaǵy «Azattyq» qyzmetkerleri – «otanyn satyp ketkender»: «Olar dollarlyq jalaqy úshin birde qojaiyndarynyń, birde Ýkrainanyń múddelerin qorǵap keldi, biraq Qazaqstannyń qaýipsizdigin emes».
Qazir «Azattyq radiosy» jumysyn eýropalyq granttar esebinen jalǵastyratyny týraly aqparat tarady. Keibir boljamdarǵa sáikes, Tramp bul shyǵyndardy odaqtastaryna júktep otyr. Biraq qarjylandyrý aýqymy múldem basqa bolatyny anyq.
17 naýryzda Chehiia Eýropalyq odaqqa AQSh-tan qarjylandyrýdan aiyrylǵan «Azattyq radiosyn» satyp alýdy usyndy. EO-nyń bas diplomaty Kaia Kallas «Azattyq radiosyn» qarjylandyrýdy avtomatty túrde óz moinyna ala almaitynyn, biraq bul máseleni zertteý qajettigin málimdedi. EO-nyń on memleketi – Avstriia, Belgiia, Chehiia, Estoniia, Germaniia, Latviia, Litva, Niderlandy, Sloveniia jáne Shvetsiia – RFE/RL úshin qarjy kózderin izdeýge daiyn ekenin bildirdi.
