Azaptaý boiynsha 33 adamǵa qatysty is sotqa joldandy, dep habarlaidy Dalanews.kz.
Memleket basshysynyń tapsyrmasy boiynsha 2023 jylǵy qańtardan bastap azaptaýlar týraly isterdi tergep-tekserý prokýratýra organdaryna júkteldi. Nátijesinde azaptaýlar týraly aryzdardyń sany ótken jyly 2 ese (791-den 417-ge deiin), al biyl úshten birge qysqardy.
Bas prokýratýranyń málimetinshe, 2023 jyly azaptaý isi boiynsha 4 ese kóp adam sottaldy. Al biyl sotqa 33 laýazymdy adamǵa qatysty 12 is jiberildi.
2023 jylǵy 30 jeltoqsanda azaptaýlardy ýaqtyly anyqtaý úshin normativtik aktilerge ózgerister engizildi. Olar boiynsha prokýrorlardy barlyq ustalǵan azamattardan olarǵa ruqsat etilmegen ádisterdi qoldanýǵa qatysty jaýap alýǵa, al sot sarapshylaryn kezekshi prokýrorlarǵa azaptaýlar týraly habarlaýǵa mindettelgen.
