Qazaqstan azamattyǵyn alýǵa úmitkerler úshin testileýge ótinim qabyldaý 3–10 aqpan aralyǵynda júrgiziledi, dep habarlaidy Dalanews.kz.
Ótinimdi Ulttyq testileý ortalyǵynyń app.testcenter.kz saitynda nemese UTO qosymshasy arqyly berýge bolady. Al testileýdiń ózi 11 aqpanda ótedi.
Emtihan úsh bólimnen turady:
•qazaq tili – 30 suraq, ótý baly – 15;
•Qazaqstan Respýblikasynyń Konstitýtsiia negizderi – 40 suraq, ótý baly – 20;
•Qazaqstan tarihy – 30 suraq, ótý baly – 15.
Jalpy eń joǵary ball – 100, al eń tómengi ótý shegi – 50 ball.
Testileýge beriletin ýaqyt – 2 saǵat 10 minýt. Múmkindigi shekteýli azamattarǵa qosymsha 30 minýt qarastyrylǵan.
Testileýge qatysý quny – 14 693 teńge. Daiyndyq úshin aqyly synaq testi app.testcenter.kz saityndaǵy «Probnoe testirovanie» bóliminde qoljetimdi, onyń baǵasy – 3355 teńge.
Tolyq aqparat testcenter.kz saitynda «Azamattyqqa úmitkerlerge» bóliminde jariialanǵan.
