قازاقستان ازاماتتىعىن الۋعا ٷمٸتكەرلەر ٷشٸن تەستٸلەۋگە ٶتٸنٸم قابىلداۋ 3–10 اقپان ارالىعىندا جٷرگٸزٸلەدٸ, دەپ حابارلايدى Dalanews.kz.
ٶتٸنٸمدٸ ۇلتتىق تەستٸلەۋ ورتالىعىنىڭ app.testcenter.kz سايتىندا نەمەسە UTO قوسىمشاسى ارقىلى بەرۋگە بولادى. ال تەستٸلەۋدٸڭ ٶزٸ 11 اقپاندا ٶتەدٸ.
ەمتيحان ٷش بٶلٸمنەن تۇرادى:
•قازاق تٸلٸ – 30 سۇراق, ٶتۋ بالى – 15;
•قازاقستان رەسپۋبليكاسىنىڭ كونستيتۋتسييا نەگٸزدەرٸ – 40 سۇراق, ٶتۋ بالى – 20;
•قازاقستان تاريحى – 30 سۇراق, ٶتۋ بالى – 15.
جالپى ەڭ جوعارى بالل – 100, ال ەڭ تٶمەنگٸ ٶتۋ شەگٸ – 50 بالل.
تەستٸلەۋگە بەرٸلەتٸن ۋاقىت – 2 ساعات 10 مينۋت. مٷمكٸندٸگٸ شەكتەۋلٸ ازاماتتارعا قوسىمشا 30 مينۋت قاراستىرىلعان.
تەستٸلەۋگە قاتىسۋ قۇنى – 14 693 تەڭگە. دايىندىق ٷشٸن اقىلى سىناق تەستٸ app.testcenter.kz سايتىنداعى «پروبنوە تەستيروۆانيە» بٶلٸمٸندە قولجەتٸمدٸ, ونىڭ باعاسى – 3355 تەڭگە.
تولىق اقپارات testcenter.kz سايتىندا «ازاماتتىققا ٷمٸتكەرلەرگە» بٶلٸمٸندە جارييالانعان.
