Azamattyq forýmnyń ekinshi kúni «Sybailas jemqorlyqsyz qoǵam» máselesi talqylandy
Sarapshylar qoǵamdyq baqylaý, ashyq úkimet, jergilikti ózin-ózi basqarý jáne sybailas jemqorlyqqa qarsy kúres máselelerin kóterdi. Sonymen qatar, úkimettik emes sektordyń bilik institýttarymen ózara is-qimyl dinamikasy jáne aýyldy jerlerdegi azamattyq belsendilikti damytýdy qarastyrdy.
Forýmnyń ekinshi kúniniń qorytyndy bóliginde, pandemiiadan keiingi kezeńde áleýmettik máselelerdi sheshýge jáne eńbek naryǵyndaǵy syn-tegeýrinderge qatysty saraptamalyq talqylaýlar ótti.
"Qoǵamdyq keńester: tájiribe men perspektivalar" atty ekinshi kúnniń saraptamalyq talqylaýynda pikirtalasqa qatysýshylar osy bir mańyzdy azamattyq institýt jumysynyń ózekti baǵyttaryn atap ótti.
Sarapshylardyń pikirinshe, úshinshi shaqyrylymdaǵy Qoǵamdyq keńester músheleriniń aldaǵy 2024 jylǵa deiingi kezeńdegi qyzmetiniń mańyzdy baǵyttary - olardy institýtsionaldyq damytý jáne óńirlik, respýblikalyq infraqurylymdy nyǵaitý máseleleri, jergilikti mańyzdy máselelerdi sheshýge azamattyq qoǵam institýttary men halyqty tartý, memlekettik bilik organdarynyń azamattyq qoǵammen ózara is-qimyly bolady.
"Sybailas jemqorlyqqa máselelerine múldem tózbeýshilik" pikirtalas alańynda sybailas jemqorlyqqa qarsy saraptamanyń tiimdiligi qozǵaldy. Sarapshylar óńirlik jáne ulttyq deńgeilerde biýdjetti qalyptastyrý kezinde eleýli sybailas jemqorlyq táýekelderin eskere otyryp, teris nátijesi memlekettik organnyń sheshim qabyldaýyna múmkindik bermeitin mindetti qoǵamdyq saraptama retinde biýdjet protsesine qoǵamnyń qatysýyn zańnamalyq turǵydan bekitý qajet ekenin atap ótti.
Bilik pen úkimettik emes sektor arasyndaǵy dialog suraǵy "Ashyq úkimet seriktestigi" taqyrybyndaǵy saraptamalyq talqylaý barysynda jalǵasyn tapty.
Spikerler aqparatty negizsiz "Qoljetimdiligi shekteýli" sanatyna jatqyzý múmkindigin joqqa shyǵarý kerek degen pikir bildirdi.
Sondai-aq, QR ÁQBtK-niń 456-1-babyn qaita qarap, oǵan aqparatty usyný, tolyq emes aqparatty ornalastyrý merzimderin buzǵany úshin jáne t. b. jaýapkershilikterdi engizý qajet dep sanaidy sharaǵa qatysýshylar.
"Jergilikti ózin-ózi basqarý: azamattyq qoǵamnyń qatysýy" fasilitatsiialyq sessiiasy kezinde Ulttyq qoǵamdyq senim keńesiniń taiaýdaǵy otyrystarynyń birin jańadan sailanǵan aýyl ákimderiniń, sondai-aq aýdandar men oblys ákimderiniń qatysýymen jergilikti ózin-ózi basqarý problemasyna arnaý usynyldy. Budan basqa, QR Úkimetine jergilikti ózin-ózi basqarýdyń damý kórinisin jáne aýyldyq, aýdandyq qurylymdardaǵy áleýmettik-ekonomikalyq jaǵdaidy qadaǵalaýǵa múmkindik beretin statistikalyq aqparatty jinaý jáne óńdeý júiesin qalyptastyrý týraly máseleni qaraý usynyldy.
Forýmnyń ekinshi kúnindegi negizgi talqylaýlardyń biri "Qoǵamdyq baqylaý - "Halyq únine qulaq asatyn memlekettiń" basty quraly" taqyrybyndaǵy pikirtalas boldy.
Pikirtalasqa qatysqan qoǵam belsendileri ortalyq memlekettik jáne oblystardyń, respýblikalyq mańyzy bar qalalardyń jergilikti atqarýshy organdary qyzmetiniń tiimdiligin jyl saiynǵy baǵalaý júiesine qoǵamdyq baqylaýdyń jai-kúiin kórsetetin indikator retinde engizýdi usyndy. Sonymen qatar, qoǵamdyq baqylaý úshin sarapshylardy biliktilikti daiarlaý jáne irikteý júiesin ázirleý jáne tiisti biliktiligi bar taqyryptyq sarapshylar qataryn qalyptastyrý suraǵy qarastyryldy.
"Úkimettik emes sektordyń bilik institýttarymen ózara is-qimylynyń serpini" taqyrybyndaǵy fasilitatsiialyq sessiia barysynda QR Prezidenti janyndaǵy Memlekettik basqarý akademiiasy bazasynda ÚEU-men jumys jáne ózara is-qimyl boiynsha ázirlengen keshendi oqytý baǵdarlamasy negizinde barlyq memlekettik organdardyń ókilderin júieli oqytýdy engizý usynyldy. Sondai-aq spikerler forýmaralyq kezeńniń 4 jyly ishinde Azamattyq alians pen otyrystarda ekonomika men qoǵamnyń túrli sektorlarynda azamattyq sektordy damytý boiynsha júieli sharalardy jáne ekojúielerdi talqylaýdy usyndy.
Aýyldaǵy azamattyq belsendilikti damytý týraly pikirtalas barysynda memlekettik áleýmettik tapsyrys jáne grant túrinde memlekettik qoldaýdy bólý tetikteri boiynsha keń aýqymdy aqparattyq-túsindirý jumysynyń qajettiligi týraly másele kóterildi. Aýylda áleýmettik jobalardy tiimdi iske asyrý úshin memlekettik granttardy jergilikti atqarýshy organdar nemese resýrstyq ortalyqtar arqyly bólý usynyldy.
"Óndirýshi salalardyń ashyqtyǵy bastamasy – áleýmettik problemalardy sheshýdiń pármendi tetigi" taqyrybyna saraptamalyq talqylaý barysynda sarapshylar qoǵamdyq keńester arqyly qoǵamdyq pikirtalastardy, SSP monitoringin uiymdastyrý úshin jergilikti atqarýshy bilik organdarynyń ÓSAB-ty óńirlik deńgeide qoldaý jónindegi jaýapkershiligin kúsheitý qajet degen qorytyndyǵa keldi.
Kelesi "NEET jastary" atty diskýssiiada NEET jastarymen jumysta olardy áleýmettendirý, áleýmettik mańyzdy jobalarǵa tartýdy kúsheitý qajettiligi týraly aityldy. Sarapshylardyń pikirinshe, ortalyq deńgeidegi ýákiletti memlekettik organdy aiqyndaý, NEET jastaryn esepke alý jáne statistika júrgizý ádisnamasyn jetildirý, jastardyń osy sanaty arasynda aqparattyq jáne aǵartý jumysynyń tiimdiligin arttyrý, sondai-aq NEET jastarymen jumys isteitin qoǵamdyq uiymdardyń jastardyń osy sanatyn 100% qamtý maqsatynda resmi statistikaǵa qol jetkizýin uiymdastyrý qajet.
H Azamattyq forýmnyń ekinshi kúniniń qorytyndy pikirtalasy "Pandemiiadan keiingi kezeńdegi eńbek naryǵynyń jańa suranystary men syn-qaterleri: bilim berý júiesi qalai qaita qurylýy tiis" taqyrybyndaǵy forsait-sessiia boldy. Qatysýshylar kelesi usynystardy aitty: memlekettik qyzmetshiler arasynda "Sheshendik óner" sabaǵyn ótkizý, aýyldyq jáne qalalyq mektepter arasyndaǵy alshaqtyqty azaitý, bilikti pedagogikalyq kadrlarmen 100% qamtamasyz etý, oqý baǵdarlamalaryn jańa jaǵdailarǵa beiimdeý jáne t.b.
Búgin X Azamattyq forýmynda ótken diskýssiialarǵa Parlament Májilisiniń depýtattary Elnur Beisenbaev, Aiqyn Qońyrov, Berik Ábdiǵali, Aidos Sarym, Dúisenbai Turǵanov, Juldyz Súleimenova, sondai-aq Záýresh Battalova, Dos Kóshim, Evgenii Jovtis, Andrei Chebotarev, Oleg Chernyshev, Marat Qoǵamov, Olga Shiian, Serik Seidýmanov, Rahym Oshaqbaev, Diana Okremova, Toǵjan Qojaly,
Aleksandr Bratenkov, Svetlana Ýshakova, Janar Býkanova, Altynai Nurkeeva, Maira Aisina syndy iri ÚEU, ǵylymi ortalyqtardyń basshylary, qoǵamdyq keńesterdiń músheleri, qoǵamdyq belsendiler qatysty.
