Bul týraly Dalanews.kz “Informbiýro” jańalyqtar baǵdarlamasyna silteme jasap habarlaidy.
Eldegi 100-ge tarta mektepte áli kúnge deiin jaily, jyly dárethana joq. Máseleni birinshi qyrkúiekke deiin retteimiz degen Aimaǵambetovtyń tapsyrmasy oryndalmai qalǵan.
Qyzylorda oblysy Shieli aýdanyndaǵy №48 mekteptiń oqýshylary aqparattyq-tehnologiialyq ǵasyrda daladaǵy dárethanaǵa barýǵa májbúr. Alaida bilim mekemesiniń basshysy mekteptiń ishine ájethana ornatylǵan jáne balalarǵa sonda barýǵa bolady deidi.
Al Túrkistan oblysynda 38 mekteptiń ishki ájethanasy joq. Aitalyq jańadan qurylǵan Saýran aýdanyndaǵy 6 mektepti aitpaǵanda, osy problema oblys ortalyǵy Túrkistan qalasynyń 7 mektebinde de bar.
Mamandar oblystaǵy qyryqqa jýyq bilim oshaǵynyń jaiy qyrkúiektiń aiaǵynda sheshiledi dep sendirdi. Al Jetisaidaǵy myna mektepte de oqýshylar syrttaǵy ájethanaǵa baryp júr.
“Kelisimshart boiynsha osy aptanyń sońyna, on ekisine josparlanǵan. Endi satyp alý portaly ár kezde júrgizildi. Biraq kelisimsharttyń merzimi ártúrli bolǵandyqtan osy aptanyń sońyna deiin merdiger mekemeler bitiremiz dep aityp jatyr”, – deidi Jetisai aýdandyq adami áleýetti damytý bóliminiń bas mamany Asqar Táteev.
Bilim ministriniń ýádesi ázirge qashan oryndalary belgisiz. Sondyqtan aýyl balalaryna qystyń kózi qyraýda syrttaǵy ájethanany paidalanýǵa týra keletin syńaily.
https://www.youtube.com/watch?v=KjLtUQAt-QQ&list=PLn2OyECVOtB_7pOm_4Nr87VWhUgPYy7gg&index=12
