Biyl qalada qardyń jyldaǵydan qalyń jaýǵanyna bailanysty sý qoimasy tolyp, sý alý qaýipi bolǵan jaǵdaida shliýzdardy retteý arqyly «Badam» ózenine jiberý josparlanýda.
Murat Dúisenbekuly "Toǵys" sý qoimasyndaǵy sý tasqynyn aldyn alatyn sharalarmen de tanysty.
Syiymdylyǵy 4,6 mln tekshe metrdi quraityn qoimaǵa sýdy jinaý búginde avtomatty túrde júrgiziledi. 265 shaqyrymdy quraityn toǵan aýmaǵynda qazir sý basý qaýpin aldyn alýǵa baǵyttalǵan sharalar jan-jaqty atqarylýda.
«Aqsai qarabastaý» kanaly da qaladaǵy sý tasqyny qaýpi joǵary aýmaq sanalady. Qazir uzyndyǵy 10,5 shaqyrymdy quraityn kanaldy qardan-muzdan tazartý jumystary qarqyndy júrgizilýde.
Qalanyń qaýipti aimaqtaryndaǵy sý tasqynyna qarsy jumystardy teksergen qala basshysy jaýaptylarǵa merdiger mekemelerdiń daiyndyǵyn qadaǵalaýdy qatań tapsyrdy.
"Sý tasqynyn aldyn alýda aýdan ákimderi men tiisti basqarma basshylary birlese júieli jumys júrgizýi qajet.
Qala turǵyndarynyń qaýipsizdigi úshin eń aldymen, irrigatsiialyq júielerdi tazalaý jumystary qarqyndy júrgizilýi tiis. Tehnikalardyń daiyndyǵyn qadaǵalaý, tiisti sharalardy shuǵyl júzege asyrý - basty nazarda" - dedi qala ákimi.
Buǵan deiin...
Buǵan deiin premer Smaiylovtyń tóraǵalyǵymen ótken Úkimet otyrysynda kóktemgi sý tasqynyna daiyndyq sharalary qaralǵan.
Úkimetbasy biyl qys qarly bolǵanyn jáne aýa raiy kúrt jylynyp ketse, sý basý qaýpi kúsheietinin atap ótken.
"Qaraýsyz turǵan obektilerdiń ielerin anyqtap, kommýnaldyq jáne jeke gidrotehnikalyq qurylystardy jóndeý sharalaryn ázirleý qajet. Sý qoimalaryndaǵy sýdyń deńgeiin anyqtap, olarǵa turaqty baqylaý júrgizilýi tiis. Qajet bolsa, qaýipsizdikti saqtai otyryp, ondaǵy sýdy aldyn- ala azaitý sharalaryn qabyldaǵan jón", – degen Smaiylov.
Budan bólek sý tasqynyna qarsy barlyq is-sharalardy qamtamasyz etýdi, tiisti jedel shtabtar qurýdy aita kele, transshekaralyq ózenderdegi qaýiptiń aldyn alýda turaqty málimet almasýdy óńir basshylaryna shegelep tapsyrǵan-tuǵyn.
