Ákim qyzmettik boryshyn atqarý ústinde kórsetken batyldyǵy men memleket múddesin qorǵaý kezinde jasaǵan erlikteri úshin alǵys aityp, syn saǵatta eshbiri shet qalmai, el táýelsizdigi úshin birlese jumys jasaǵanyn jetkizdi. Sonymen birge tez saýyǵyp otbasylaryna oralýyn tilep, qyzmettik boryshyn jalǵastyrýyn aitty.
Sońǵy málimetter boiynsha narazylyq kezinde jalpy 120 adam meditsinalyq kómekke júgingen bolsa, onyń 48-i aýrýhanada em alýda. Naýqastardyń 5-i jan saqtaý bóliminde.
Jaraqat alyp, meditsinalyq kómekke júgingen azamattardyń 48-i tártip saqshylary. Qazirgi ýaqytta aýrýhanada jatqan eki quqyq qorǵaý organynyń qyzmetkerleriniń jaǵdaiy bir qalypty.
Eske salaiyq, kóteriliske bailanysty elimiz boiynsha tótenshe jaǵdai rejimi engizildi. Komendanttyq saǵat tártibiniń oryndalýyn politsiia, sondai-aq arnaiy mobildi toptar qadaǵalaýda. Qalada ahýal turaqty, jaǵdai quzyrly organdardyń baqylaýyna alynǵan. Qazirgi ýaqytta densaýlyq saqtaý nysandary, balabaqshalar, azyq-túlik satatyn núkteler shtattyq rejimde jumys istep tur.
