اكىم قىزمەتتىك بورىشىن اتقارۋ ۇستىندە كورسەتكەن باتىلدىعى مەن مەملەكەت مۇددەسىن قورعاۋ كەزىندە جاساعان ەرلىكتەرى ءۇشىن العىس ايتىپ، سىن ساعاتتا ەشبىرى شەت قالماي، ەل تاۋەلسىزدىگى ءۇشىن بىرلەسە جۇمىس جاساعانىن جەتكىزدى. سونىمەن بىرگە تەز ساۋىعىپ وتباسىلارىنا ورالۋىن تىلەپ، قىزمەتتىك بورىشىن جالعاستىرۋىن ايتتى.
سوڭعى مالىمەتتەر بويىنشا نارازىلىق كەزىندە جالپى 120 ادام مەديسينالىق كومەككە جۇگىنگەن بولسا، ونىڭ 48ء-ى اۋرۋحانادا ەم الۋدا. ناۋقاستاردىڭ 5ء-ى جان ساقتاۋ بولىمىندە.
جاراقات الىپ، مەديسينالىق كومەككە جۇگىنگەن ازاماتتاردىڭ 48ء-ى ءتارتىپ ساقشىلارى. قازىرگى ۋاقىتتا اۋرۋحانادا جاتقان ەكى قۇقىق قورعاۋ ورگانىنىڭ قىزمەتكەرلەرىنىڭ جاعدايى ءبىر قالىپتى.
ەسكە سالايىق، كوتەرىلىسكە بايلانىستى ەلىمىز بويىنشا توتەنشە جاعداي رەجيمى ەنگىزىلدى. كومەندانتتىق ساعات ءتارتىبىنىڭ ورىندالۋىن پوليسيا، سونداي-اق ارنايى ءموبيلدى توپتار قاداعالاۋدا. قالادا احۋال تۇراقتى، جاعداي قۇزىرلى ورگانداردىڭ باقىلاۋىنا الىنعان. قازىرگى ۋاقىتتا دەنساۋلىق ساقتاۋ نىساندارى، بالاباقشالار، ازىق-تۇلىك ساتاتىن نۇكتەلەر شتاتتىق رەجيمدە جۇمىس ىستەپ تۇر.
