Áitenov ardagerlermen kezdesti
– Biz qashanda «úlkenge qurmet, kishige izet» kórsetken halyqpyz. Eldigimizdiń uiytqysy bolǵan aǵa býyn ókilderiniń orny airyqsha. Osynda otyrǵan árqaisyńyz qurmetke laiyqsyzdar, qalamyzdyń órkendeýine qosqan úlesteriniń úshin alǵys bildiremin. Qalamyz jyldan jylǵa kórkeiip, elimizdegi iri megapoliske ainaldy. Endigi jerde qalamyzdy odan ári damytyp, turǵyndarǵa yńǵaily jaǵdai jasaý ol bizdiń mindet. Alǵa qoiǵan josparly mejeni oryndap, osy baǵyttaǵy jumystardy jalǵastyra beremiz, – dedi Murat Áitenov.
Biylǵy jyl Táýelsizdigimizdiń tarihynda alǵash ret qasiretti oqiǵamen bastalǵanyn aityp – pandemiia tusynda qysyl taiań sátte bolǵan qandy oqiǵa barlyǵymyzdy eseńkiretip tastady. Búkil álem aldynda táýelsizdigimiz ben eldigimiz synǵa tústi. Degenmen el bolyp der kezinde Memleket basshysynyń janyna uiysa bildik. Endigi ýaqytta mundai qasiretti oqiǵa bolmasyn dep tilegin jetkizdi.
Jiynǵa kelgen ár aýdannyń ardager turǵyndary da óskeleń urpaqqa mura etip qaldyrar táýelsizdigimizdi tuǵyrly etý jolynda birlese jumys jasaýǵa árqashan daiyn ekendikterin jetkizdi. Jumystyń qai baǵytta aqsap jatqanyn aityp, pikirlerimen bólisti.
Sonymen, Shymkent ákimi M.Áitenovtiń qalanyń áleýmettik-ekonomikalyq damýy turǵysynda baiandaǵan sandarǵa toqtalsaq;
✅ ótken jyl qorytyndysymen ónerkásip ónim kólemi 5,4 paiyzǵa, investitsiia kólemi 65 paiyzǵa, qurylys jumystary 11 paiyzǵa, paidalanýǵa berilgen turǵyn úi alańy 56 paiyzǵa, bólshek saýda kólemi 6 paiyzǵa artty;
✅ óndiris aimaqtarynda 123 joba iske qosylyp, 10 myńǵa jýyq jańa jumys oryndary ashyldy;
✅ jańadan 2 indýstrialdy aimaq ashý jumystary bastaldy;
✅ aýylsharýashylyq salasynda.14 mlrd. teńgege 24 joba iske qosylyp, 336-den astam jumys orny ashyldy;
✅ saýda-logistika aimaǵynda biylǵy jyly 4 jańa qoimalardyń qurylysy josparlanýda. 1 kóterme-taratý ortalyǵy salynatyn bolady;
✅ 100 mlrd.teńgeni quraityn 54 investitsiialyq joba iske asyrylyp, 2 500-den asa jańa jumys oryndary ashyldy. Onyń ishinde, sheteldik; investorlardyń qatysýymen 23,8 mlrd. teńgege 4 investitsiialyq joba iske qosyldy. Investitsiia kólemi 460 mlrd. teńgeden asty. Biyl qalaǵa 540 mlrd. teńge investitsiia tartý josparlanýda;
✅ «Biznestiń jol kartasy-2025» memlekettik baǵdarlamasy aiasynda 9,8 mlrd. teńgege 2 963 jobaǵa qoldaý kórsetildi;
✅ 11 myńnan astam orynmen 25 mektep iske qosyldy. 14 úsh aýysymdy mektepter sany 9-ǵa deiin azaidy. Biyl 10,5 myńǵa jýyq 16 mektepiń qurylysyn júrgizip, úsh aýysymdy mekteptr sanyn 9-dan 5-ke deiin tómendetý josparlanýda;
✅ 4 jekemenshik meditsinalyq ortalyq ashyldy. Meditsina mekemeleriniń materialdy-tehnikalyq bazasyn jańartýǵa deńgeii 71,5 paiyzdan 77,3 paiyzǵa jetti;
✅ «Eńbek» baǵdarlamasymen 35 myńnan astam adam qamtyldy. Ekonomika salalarynda 25 myńnan astam jumys oryndary ashyldy;
✅ 115 oiyn jáne sport alańshasy paidalanýǵa berildi;
✅ 1 mln. sharshy metrden astam turǵyn úi paidalanýǵa berildi;
✅ «Bir úi - bir birlestik - bir shot» qaǵidasy boiynsha kópqabatty turǵyn úilerdiń 100 paiyzynda basqarý júiesi engizildi;
✅ 104 kóshe jaryqtandyryldy;
✅ 1 saiabaq paidalanýǵa berilip, 300 myńnan astam aǵash, kóshetter otyrǵyzyldy.
