Konferentsiiany ashý rásiminde Almaty ýniversitetiniń rektory Quljabaev Baýyrjan Jamalbekuly: «Qurmetti jas ǵalymdar, búgin Almaty ýniversitetiniń «Stýdenttik ǵylymi qoǵam» uiymynyń bastamasymen ǵylymi-praktikalyq konferentsiia ótkeli jatyr. Konferentsiiany uiymdastyrýdaǵy basty maqsatymyz jastardy ǵylymǵa tárbieleý, jas ǵalymdarǵa ǵylymi baǵyt berý bolyp tabylady. Ǵylymy, bilimi damyǵan eldiń ósip-órkendeitinin búgingi jahandaný zamany naqty dáleldep otyr. «Tárbiesiz bilim-adamzattyń qas jaýy» dep aitqan dana halqymyz. Adamzatty tárbieleý, olarǵa jol silteý ǵalymdardyń eńbegi arqyly júzege asatynyn eshqashan umytpaýymyz qajet. Elimizdiń túkpir-túkpirinen kelgen jastarǵa alǵys bildiremin, konferentsiiany ashyq dep jariialaimyn»,-dep sóz sóiledi.
– Búgingi konferentsiiaǵa qatysýshy stýdentter, sizder jas bolsańyzdar da ómirge úlken qadam jasap otyrsyzdar. Ǵylymmen ainalysýǵa kóp adamnyń júregi daýalamaidy. «Bilim inemen qudyq qazǵandai» dep qazaq halqy beker aitqan joq. Ǵylymmen ainalysý úshin adamǵa qajyr-qairat pen tabandylyq kerek. Bizdiń ýniversitetimizde jas ǵalymdardyń konferentsiiasy ótkeli jatqanyna óz basym qatty qýanyp jatyrmyn. Elimizdegi joǵary oqý oryndaryna eń aldymen qoiylatyn talap onyń ǵylymyn damytý. Sondyqtan da konferentsiiany uiymdastyrýǵa negiz bolǵan ýniversitet basshylyǵyna, «Stýdenttik ǵylymi qoǵam» uiymyna alǵysymdy aitamyn,-dedi.
Konferentsiianyń kórkin jas baiandamashylar qyzdyrdy. Semei qalasynyń Shákárim atyndaǵy memlekettik ýniversitetiniń 3 kýrs stýdenti Ábilmanova Áigerim «Bala psihologiiasyna-qazirgi jańa tehnologiialardyń áseri», Almaty ýniversitetiniń 3 kýrs stýdenti Qunnazarova Uldai «Daryndy balalardy tárbieleýde áser etetin faktorlar», I. Jansúgirov atyndaǵy Jetisý memlekettik ýniversitetiniń qazaq tili men ádebieti mamandyǵynyń 2 kýrs stýdenti Týrsynbaeva Jaina «Qazaq filosofiiasyndaǵy ózin-ózi taný máseleleri» taqyryptarynda baiandama jasady.
Jas ǵalymdardyń da aitary bar ekendigin konferentsiia barysynda kóz jetkizdik. Konferentsiianyń qorytyndy jiynynda úzdik baiandama jasaǵan jas ǵalymdar I,II,III dárejeli diplommen marapattaldy. Stýdentterge ǵylymi baǵyt bergen oqytýshylarǵa ýniversitet rektory atynan Alǵys hat berildi.
Almas Naimanbai
Almaty ýniversitetiniń ǵalym hatshysy
