Ainur Tursynbaeva: "Taǵdyryma jurttyń bárin kináli sanadym"
“Jasymyz 40-qa kelip qaldy. Endi osy 40-tan kóp ómir súrip 80-nen asyp ketemiz be, joq, 50-den asa almai qalamyz ba ony tek bilýshi bir Alla! Biraq ómir degen ǵajap dep aitý maǵan ońai bolmady, ǵajap qylý ózime bailanysty ekenin uqtym. Anyq kózim jetken nárse, bireýdi óz taǵdyryna kináli qylǵan adamnyń joly ashylmaidy! Mysaly “kúieýim nashar”, “enem kún bermeidi”, “bastyǵym ońbaǵan”, “kelinim jalqaý” dep jan-jaǵyn jaý kóretin adamǵa sátsizdikter úiir bolady…
Bul meniń ózimniń úlken qateligim edi. Taǵdyryma jurttyń bárin kináli sanadym. Ózim ǵana sútten aq, tazamyn… Jáne jurtty jaqtyrmaǵan saiyn minezim ashýlanshaq bolyp ketti… Jurttyń bári “saǵan ne bolǵan” deitin boldy, menen alystai bastady. Syrtymnan ósek kóbeidi!
Bir kúni miyma bir oi sart ete qaldy.”Tááák, maǵan nege ylǵi nashar adamdar jolyǵady osy, nege men jurt siiaqty jarqyrai almai qaldym, nege meniń jolym sátsiz bola berdi…” Sol kezde túsingenim olar emes men nashar ekenmin! Tek qana ózim kinálimin bárine degen programmany miyma qoidym. Sol sátten bastap ómir ózgerdi. Adamdar da ózgerdi, dostar da kóbeidi, kóńil-kúiim de ózgerdi.
Ómirde eń qiyny ózińdi ózgertý. Ashýlanatyn kezde ózińizdi toqtatyp úirenseńiz aqyrynda ashýlanatyn adam tappai qalasyz. Jek kóretin adamnyń da jaqsy jerin taýyp maqtap úirenseńiz janyńyzda dostar kóbeie bastaidy… Adamdarǵa qyzǵanyp emes, qyzyǵyp qarasańyz, sol qyzyqqan dúnieńiz kóp uzamai-aq sizde de bolatyn bolady. Qudaiǵa shúkirlikti kóp aitsańyz nyǵmettiń astynda qalasyz! Qanaǵat etken saiyn adamnyń nesibesi kóbeie beredi. Júregińizdi tynyshtandyryp úirenseńiz júzińizde nur paida bolady.
Adamnyń betine qaraǵanda jymiyp qarańyz! Úiden kir kiimmen shyqpańyz! Kóńil kúiińiz bolmasa kópshiliktiń ortasyna kirmeńiz! Otbasynyń qupiiasyn syrtqa shyǵarmańyz! Eshqashan, eshkimniń aldynda aqtalmańyz! Ómir tamasha dostar! Men sizderdi erekshe jaqsy kóremin”, – dep jazdy Ainur Tursynbaeva.
