Ákeme qatysty. Birden eskertemin: kez kelgen negativti komment blokqa ketedi. Sebebi, ákem siiaqty qazaqtar úshin áli eshkim eshteńe istegen emes. Sondyqtan, ózderi ispen eshqandai úles qospaǵan adamdar óz pikirin jazýǵa haqy joq dep oilaimyn.
- Ákem oppozitsioner emes, ol-ultshyl. Árqashan ózin solai ataǵan. Jýrnalisterdiń ony oppozitsioner dep ataýyn esepke alsaq ta, qazir solardyń ishindegi bilikte eshqashan qyzmet etpegen jalǵyz adam (30 jylǵy "oppozitsiia" burynǵy bilik ókilderinen turatynyn bilemiz).
- Osydan 3jyl buryn qazaqtyń jerin Qytaiǵa satqyzbaýda qansha shyryldap júrdi. Bilesizder ózderińiz.
- 2002 jyly Ózbekstanǵa qazaq jerin bermeý úshin miting uiymdastyryp, bir aimaqty qaitaryp aldy.
- Monǵoliiadan qazaq oralmandaryn elge qaitardy.
- Qytaidan qaita almai, shekarada bir ai boiy jatqan oralmandar úshin júgirip, elge ákeldi.
- Shańyraq oqiǵasyna qatysqan 25 azamatty qorǵap shyqty.
- Qazaqstanda eshqashan bolmaǵan sailaýdy baqylaýshylar institýtyn qalyptastyrdy. Ákeme deiin sailaýda baqylaýshylar bolmaityn. Baqylaý baǵdarlamasyn jasap, búkil baqylaýshylardy oqytqan adam. Qazirgi baqylaýshylardyń bar bolǵany, zań buzýshylyqtardy siz kórgenińiz-ákemniń arqasy.
- Qazaqstan boiynsha qazaq familiialar "-uly","-qyzy" dep jazylýyna bólek eńbek etti.
- Táýelsizdik alǵannan keiin talai orys mektepterin qazaqshalady, ne qazaq synyptaryn ashtyrtty.
- Jer-sý attaryn qazaqshalaý týraly zań jasasty.
- Birneshe áskeri bólimshelerge qazaq batyrlarynyń attaryn berýdi talap etti de, ózgertti.
- Bir de bir qazaq jáne ózge ult arasyndaǵy shielenisti jiberip almai (Shelek oqiǵasy, tb) qazaqtardyń múddesin qorǵap shyǵyp, kináli adamdardyń jazalanýyna qol jetkizdi.
- Bilikke qarsy bolǵany úshin jumystan sonaý 99 jyly shyǵaryldy.
- Bilikke qarsy bolǵany úshin, ádil sailaýdy talap etkeni úshin birneshe ret sottaldy, jaýapqa tartyldy, t. b.
- 86 jylǵy Jeltoqsan oqiǵasynyń qatysýshysy, ári sol monýmenttiń alańǵa ornatylýynyń initsiatory.
- Orys tildi oblystarda balalaryn qazaqsha oqytý boiynsha talai aǵartýshylyq jiyndar uiymdastyrdy.
- t. b óte kóp jumystar.
Ákeme bilik te, ataq ta kerek bolǵan emes. Bar oilaǵany-qazaqtyń múddesi.
...
Ákemdi talai ret KNB qyzmetkerleri qýdalady da, qorqytty da, satyp alýǵa tyrysty da, "Dos Kóshimniń Shveitsariiada záýlim úii bar" degen jalǵan maqalalar da jazǵyzdy, proslýshka, nabliýdenie, tb. Ákemdi qamady da, sottady da. Bári boldy.
Alaida, ol 20 jyldan astam sondai qyspaqta óz pozitsiiasynan taiǵan emes. Rinat 2 saǵattan soń basqasha sóiledi degenim de sodan. Rinatty jamandaǵanym emes, bilikke qarsy shyqqan ońai emes ekenin aitqym keldi. Sondyqtan oǵan "sen de nurbot ekensiń" dep jazatyn adamdar endi oilanar. Al ákem 2 saǵat emes, 20 jyl...
Ákem táýelsiz baqylaýshylar júiesin qurmasa, keshegi sailaýdaǵy zań buzýshylyqtardy siz sol beti bilmeýshi edińizder.
Budan keiin ony biliktiń adamy dep tek qarańǵy adam aita alady. Keshe ǵana jer máselesine kelgende ákem siiaqty eshkim radikaldy, ashyq óz oiyn aityp, jerimizdi qorǵap qalǵan joq. Sol kezde ony kótergen halyq, búgin esh uiatsyz "satqyn" dep jatyr. Ózderi qazaq úshin túk istegen emes.
Ózderiniń balalary ákem soǵysyp júrip qazaqshalaǵan mektepte oqyp júrgeni oida joq. Ákem terlep júrip kireberis biletti qazaqshalaǵan mýzeige baryp júrgeni oida joq. Qazaqtar úshin qansha eńbek etip, ony eshqaida jariialamaǵan.
"Ákeńizdi qorǵap otyrsyz" deisizder. Árine qorǵaimyn! Men týǵannan bastap óz ýaqytyn balalaryna emes, halqyna arnaǵan ákemdi qorǵamaǵanda kimdi qorǵaýym kerek?
Ákemdi ómir boiy sirek kóremiz: birese shetelde Qazaqstandaǵy "demokratiianyń" jaǵdaiyn túsindirip júredi, birese óz elinde sol demokratiiany ornatýmen ýaqytyn ótkizedi.
Ákemdi úiden góri teledidardan jii kóretinbiz. Bundai jumysty osy kúnge deiin kim jasady? Rinat pa? Marǵulan ba? Tasmaǵambetov pa? Joq álde, Abliazovtyń jalǵan aqparatyn oqyp, jyly divanda otyryp, kommentarii jazatyn adamdar ma?
Ákem satqyn bolsa, men qazir AQSh-ta turatyn edim.
Eń bolmaǵanda ápkem ekeýmiz shetelde bilim alýshy edik. Qazir qalanyń shetinde SSSR kezinde salynǵan páterde emes, Al-Farabiden joǵary kottedjde turyp, sońǵy modeldegi mers aidaýshy edik.
"Kúieýiń bilikke qarsy" dep ǵylymmen ainalysyp júrgen anama Qazaqstanda kandidattyq dissertatsiiasyn qorǵatpady. Qyrǵyzstanǵa qorǵaýǵa májbúr boldy. Birneshe jyldan keiin dál solai doktorlyq dissertatsiiasyn qorǵatqan joq. Ony da kórshi elde qorǵady.
Aita bersem óte kóp. Úndemei otyra almadym. Qosanovty ákemniń uiymy usynsa da, ákem onyń shtabyn basqarǵan da joq, qolynan jetektep júrgen joq, aitatyn sózdi de jazyp bergen joq.
Sailaýdan keiingi Qosanovtyń videosynan keiingi bárimiz shok bolyp ákeme habarlasyp, "nege olai aitty?" dedik. "Bilmeimin" dedi. Sol túni ushyp kelip baspasózge suhbat berdi.
Qosanovtyń nege olai aitqanyn ákem bilmese de, aralaryńyzda "ótirik"," senbeimiz" deitinder shyǵady. Sondyqtan taǵy eskertemin: ákem siiaqty qazaqqa eńbek etpeseńder, kommentter óshiriledi. Aitarym osy.
